ഓച്ഛാനിച്ചു നിന്ന് വളഞ്ഞ് പോയ നട്ടെല്ല് നിവർത്താനുള്ള പണം യൂത്ത് കോൺഗ്രസ്സ് തരാം'; റഹിമിന് മറുപടിയുമായി രാഹുൽ മാങ്കൂട്ടത്തിൽ,

തിരുവനന്തപുരം: മാത്യു കുഴൽനാടനെതിരായ ഡിവൈഎഫ്ഐ അഖിലേന്ത്യാ പ്രസിഡന്റ് എ എ റഹിമിന്റെ വിമർശനത്തിന് മറുപടിയുമായി യൂത്ത് കോൺ​ഗ്രസ് നേതാവ് രാഹുൽ മാങ്കൂട്ടത്തിൽ.

മാത്യുവിനെതിരെ പ്രതികരിക്കാനെങ്കിലും അങ്ങ് നാവുതിർത്തല്ലോ! സന്തോഷായി.ഡിഫിഡെ പ്രതികരണം വരുന്നതും പിണറായി സാർ സത്യം പറയുന്നതും ഒരു പോലെ അപൂർവ്വമാണല്ലോ. 

സർക്കാർ എന്ത് തോന്നിവാസം കാണിച്ചാലും 'ഓ വിജയാമ്പ്രാ' എന്ന് വിളിച്ച് ഓച്ഛാനിച്ചു നിന്ന് വളഞ്ഞ് പോയ നട്ടെല്ല് നിവർത്താനുള്ള പണം യൂത്ത് കോൺഗ്രസ്സ് തരാം ഡിഫി അഖിലേന്ത്യ പ്രസിഡന്റെ!. രാഹുൽ മാങ്കൂട്ടത്തിൽ ഫെയ്സ്ബുക്കിൽ കുറിച്ചു.