ചേന്നം പള്ളിപ്പുറം ഗ്രാമപഞ്ചായത്ത് കുടുംബശ്രീ സിഡിഎസ് "തിരികെ സ്കൂളിലേക്ക്"

ആലപ്പുഴ :പ്രവേശനോത്സവം ഒറ്റപ്പുന്ന ഗവ. എൽ പി എസിൽ ഗ്രാമപഞ്ചായത്ത് പ്രസിഡന്റ് റ്റി എസ് സുധീഷ് ഉദ്ഘാടനം നിർവഹിച്ചു. വർണ്ണാഭമായ പ്രവേശനോത്സവത്തിൽ നൂറുകണക്കിന്  കുടുംബശ്രീ അംഗങ്ങൾ എത്തിച്ചേർന്നു.

പഠിച്ചിറങ്ങിയ വിദ്യാലയത്തിൽ വളരെ ആവേശത്തിൽ ആയിരുന്നു ഓരോ അംഗങ്ങളും. കുടുംബശ്രീ അംഗമായതിനു ശേഷം  ഇത് ഒരു പുതു അനുഭവം ആണെന്ന്  ഏറ്റവും മുതിർന്ന അംഗം  മീനാക്ഷി അമ്മ പറഞ്ഞു. ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ കെ കെ ഷിജി  അധ്യക്ഷത വഹിച്ചു. സിഡിഎസ് ചെയർപേഴ്സൺ  വിജി രതീഷ്  സ്വാഗതം പറഞ്ഞു.

വാർഡ് മെമ്പർ  പ്രഭാവതി സത്യദാസ്, വൈസ് ചെയർപേഴ്സൺ  രജിത രമേശൻ,  പി ടി എ  പ്രസിഡന്റ്  വിമൽദേവ്, പി ആർ ഹരിക്കുട്ടൻ, പി ആർ റോയ്, സിഡിഎസ് മെമ്പർമാർ, ഡി പി എം മിഥു,ആർപി മാർ  തുടങ്ങിയവർ പങ്കെടുത്തു.