കോട്ടയത്ത്‌ ബസും കാറും കൂട്ടിയിടിച്ച് ഒരു കുടുംബത്തിലെ അഞ്ച് പേർക്ക് ഗുരുതര പരിക്ക്

കോട്ടയം :ചങ്ങനാശ്ശേരിക്ക് സമീപം തൃക്കൊടിത്താനം കുന്നുംപുറത്ത് പഞ്ചായത്ത് ഓഫീസിന് മുൻവശം  ബസും കാറും കൂട്ടിയിടിച്ച് ഒരു കുടുംബത്തിലെ അഞ്ച് പേർക്ക് ഗുരുതര പരിക്ക്. ഇന്നു വൈകുന്നേരം നാലുമണിയോടെ ആയിരുന്നു അപകടം.

തൃക്കൊടിത്താനം കോച്ചേരി ജിനോഷ് ജോർജും (38) കുടുംബവും സഞ്ചരിച്ച കാറാണ് അപകടത്തിൽപെട്ടത്. ജിനോഷിന്റെ ഭാര്യ സോണിയ (35), മക്കളായ ആൻ മേരി (10), ആൻഡ്രിയ (9), ആന്റണി (5) എന്നിവരാണ് കാറിൽ ഉണ്ടായിരുന്നത്.

ഇവരെ ഗുരുതര പരുക്കുകളോടെ ചെത്തിപ്പുഴ സെൻ്റ് തോമസ്  ആശുപത്രിയിൽ പ്രവേശിപ്പിച്ചു. 5 പേരും തീവ്രപരിചരണ വിഭാഗത്തിൽ ചികിത്സയിലാണ്.