കാക്കനാട് ഷവര്‍മ്മ കഴിച്ചതിനെ തുടര്‍ന്ന് കോട്ടയം സ്വദേശിയായ യുവാവിന് ഗുരുതര ആരോഗ്യ പ്രശ്നം.

എറണാകുളം:  കാക്കനാട്  ഷവര്‍മ്മ കഴിച്ചതിനെ തുടര്‍ന്ന് യുവാവിന് ഗുരുതര ആരോഗ്യ പ്രശ്നം. കോട്ടയം സ്വദേശിയായ  യുവാവിൻ്റെ ആരോഗ്യവസ്ഥ ഗുരുതരമായതോടെയാണ് വീട്ടുകാര്‍ പരാതിയുമായി രംഗത്തെത്തിയത്.

യുവാവ് കാക്കനാട് നിന്ന് കഴിഞ്ഞ ബുധനാഴ്ചയാണ് ഷവര്‍മ്മ കഴിച്ചത്. ഇതിന് പിന്നാലെ ആരോഗ്യപ്രശ്നങ്ങള്‍ കണ്ടതിനെത്തുടര്‍ന്ന് ആശുപത്രിയില്‍ ചികിത്സ തേടുകയായിരുന്നു.

നിലവില്‍ ആരോഗ്യാവസ്ഥ അതീവ ഗുരുതരമായി തുടരുകയാണ്. യുവാവ് ഇപ്പോള്‍ വെന്റിലേറ്ററിലാണെന്നാണ് ആശുപത്രി അധികൃതര്‍ വ്യക്തമാക്കിയിട്ടുള്ളത്. പരാതി ഉയർന്നതോടെ കട അടപ്പിച്ചതായാണ് വിവരം.