രാമപുരത്ത് വാര്യർ മെമ്മോറിയൽ യുപി സ്കൂളിൽ സോപാനസംഗീതത്തിൽ ഏകദിന സെമിനാർ നാളെ

പാലാ :രാമപുരം പത്മനാഭമാരാർ സ്മാരക ക്ഷേത്രവാദ്യകലാ പഠന ഗവേഷണ കേന്ദ്രത്തിന്റെ അഭിമുഖ്യത്തിൽ ഒക്ടോബർ 29-ാം തീയതി ഞായറാഴ്ച രാവിലെ 9 മണി മുതൽ വൈകിട്ട് 5 വരെ "സോപാനസംഗീതം- ഒരു ശാസ്ത്രീയ വിശകലനം'' എന്ന വിഷയത്തിൽ ഏകദിന സെമിനാർ നടക്കുന്നു.

രാമപുരത്ത് വാര്യർ മെമ്മോറിയൽ യുപി സ്കൂളിൽ വച്ചു നടക്കുന്ന സെമിനാർ പ്രശസ്ത നാദസ്വര വിദ്വാൻ കലൈമാമണി തിരുവിഴ ജയശങ്കർ ഉദ്ഘാടനം ചെയ്യും.

ക്ഷേത്ര വാദ്യകലാചാര്യൻ  കുടമാളൂർ മുരളീധര മാരാർ മുഖ്യ പ്രഭാഷണം നടത്തും. സോപാനസംഗീത വിദഗ്ദരായ  അമ്പലപ്പുഴ വിജയകുമാർ, കൊട്ടാരം സംഗീത് മാരാർ,പന്തളം ഉണ്ണികൃഷ്ണൻ എന്നിവർ ക്ലാസുകൾ നയിക്കും.കൂടുതൽ വിവരങ്ങൾക്ക്

9447488879 ഈ നമ്പറിൽ ബന്ധപ്പെടുക.