ഹമാസ് ഭീകരര്‍ നടത്തിയ ആക്രമണം; മനഃസ്സാക്ഷിയുള്ളവരെല്ലാം അപലപിക്കും-കെ.കെ.ശൈലജ.

കണ്ണൂര്‍: ഇസ്രയേല്‍-ഹമാസ് പോരാട്ടത്തില്‍ നിലപാട് അറിയിച്ച്‌ സിപിഎം കേന്ദ്രകമ്മിറ്റി അംഗം കെ.കെ.ശൈലജ. ഹമാസിനെ ഭീകരര്‍ എന്ന് വിശേഷിപ്പിച്ചുകൊണ്ടാണ് ശൈലജ തന്റെ നിലപാട് വ്യക്തമാക്കിയത്.

'ഹമാസ് ഭീകരര്‍ നടത്തിയ ആക്രമണത്തെ മന:സ്സാക്ഷിയുള്ളവരെല്ലാം അപലപിക്കും' മുന്‍ മന്ത്രി സമൂഹ മാധ്യമത്തില്‍ കുറിച്ചു.

അതോടൊപ്പം 1948 മുതല്‍ പലസ്തീന്‍ ജനത അനുഭവിക്കുന്ന ഇതേ തോതിലുള്ള ഭീകരതയാണെന്നും അതിനു കാരണക്കാര്‍ ഇസ്രയേലും അവര്‍ക്ക് പിന്തുണ നല്‍കുന്ന സാമ്രാജ്യത്വ ശക്തികളുമാണെന്ന യാഥാര്‍ഥ്യം മറച്ചുവെക്കാന്‍ കഴിയില്ലെന്നും ശൈലജ കൂട്ടിച്ചേര്‍ത്തു.