കൊല്ലം കടയ്ക്കലിൽ വീടിനു തീകൊളുത്തിയ ശേഷം ഗൃഹനാഥൻ തൂങ്ങി മരിച്ചു

കൊല്ലം: കടയ്ക്കൽ കുറ്റിക്കാട് തെന്നശ്ശേരിയിൽ ഗൃഹനാഥൻ വീട്ടിന് തീകൊളുത്തിയ ശേഷം തൂങ്ങി മരിച്ചു.

കുറ്റിക്കാട് അശോക വിലാസത്തിൽ അശോകനെയാണ് (50) വീടിനകത്ത് തീ കൊളുത്തിയ ശേഷം കിടപ്പ് മുറിയിൽ തൂങ്ങി മരിച്ച നിലയിൽ കണ്ടെത്തിയത്.തൊട്ടടുത്ത അയൽവാസി തീ പുകയുന്നത് കണ്ട് പോലീസിലും, കടയ്ക്കൽ ഫയർ ഫോഴ്സിലും വിവരമറിയിച്ചതോടെയാണ് അവരെത്തി തീ അണച്ചത്. 

കുടുംബ പ്രശ്‌നമാണ് ആത്മഹത്യക്ക് കാരണമെന്നാണ് പ്രാഥമിക നിഗമനം. സംഭവസമയം അശോകൻ മാത്രമാണ് വീട്ടിൽ ഉണ്ടായിരുന്നത്.