''യുകെയിൽ തൊഴിൽതട്ടിപ്പിന് ഇരയായ നഴ്സുമാരുടെ വിഷയത്തിൽ ഇന്ത്യൻ ഹൈക്കമ്മിഷൻ ഇടപെടുന്നു''

ന്യൂഡൽഹി;ബ്രിട്ടനിൽ തൊഴിൽ തട്ടിപ്പിനിരയായെന്നു പരാതിപ്പെട്ട നഴ്സുമാരുടെ വിഷയത്തിൽ ഇന്ത്യൻ ഹൈക്കമ്മിഷൻ ഇടപെടുന്നു.

പ്രവാസി ലീഗൽ സെൽ യുകെ ചാപ്റ്റർ വിദേശകാര്യ മന്ത്രി എസ്.ജയശങ്കറിനു കത്തു നൽകിയതിനു പിന്നാലെ ഹൈക്കമ്മിഷൻ 19നു സംഘടനാ പ്രതിനിധികളെ കൂടിക്കാഴ്ചയ്ക്കു വിളിച്ചു. 

ഇതിനിടെ, പരാതിക്കാരുൾപ്പെടെ തങ്ങൾ വഴി യുകെയിലെത്തിയ 380 പേരിൽ 20 പേർ മാത്രമാണ് അവരുടെ പ്രശ്നം അറിയിച്ചിട്ടുള്ളതെന്നു കൊച്ചിയിലെ അഫിനിക്സ് ഇന്റർനാഷനൽ എന്ന സ്ഥാപനം അറിയിച്ചു.