ഇടുക്കി:ബാറ്ററി വെള്ളം മദ്യത്തിൽ ചേർത്ത് കഴിച്ച് വയോധികൻ മരിച്ചു. ഇടുക്കി തോപ്രാംകുടിയിൽ കെട്ടിട നിർമ്മാണ ജോലികൾക്കായി എത്തിയ മൂലമറ്റം സ്വദേശി മഠത്തിൽ മോഹനനാണ് മരിച്ചത്. മദ്യം കഴിക്കുന്നതിനിടയിൽ അബദ്ധത്തിൽ വെള്ളത്തിന് പകരം മോഹനൻ ബാറ്ററി വെള്ളം ഒഴിക്കുകയായിരുന്നു .അസ്വാഭാവിക മരണത്തിന് മുരിക്കാശ്ശേരി പോലീസ് കേസെടുത്തു.
ഇതോടെ കടുത്ത വയറുവേദന അനുഭവപ്പെട്ട മോഹനനെ കെട്ടിട ഉടമസ്ഥനും കൂടെയുണ്ടായിരുന്ന മറ്റൊരാളും ചേർന്ന് തൊടുപുഴയിലെ സ്വകാര്യ ആശുപത്രിയിൽ എത്തിച്ചു. ആശൂപത്രിയിൽത്തിയപ്പോഴാണ് മദ്യം കഴിച്ചതായും മദ്യത്തിൽ ഒഴിച്ച വെള്ളം മാറിപ്പോയതായും മോഹനൻ ഡോക്ടറോട് പറയുന്നത്.
കൂടെയുണ്ടായിരുന്നവർ എത്തുന്നതിനു മുൻപ് തിടുക്കത്തിൽ മദ്യം കഴിക്കുന്ന സമയത്താണ് മോഹനന് അബദ്ധം സംഭവിക്കുന്നത്. ഇതേ കെട്ടിടത്തിൽ പ്രവർത്തിക്കുന്ന സ്വകാര്യ സ്ഥാപനത്തിന്റെ ഇൻവെർട്ടറിന്റെ ബാറ്ററിയിൽ ഒഴിക്കുന്നതിനായി ബാറ്ററി വെള്ളവും ഇവിടെ സൂക്ഷിച്ചിരുന്നു. ഈ വെള്ളമാണ് മോഹനൻ മദ്യത്തിൽ ഒഴിച്ച് കഴിച്ചത്.
ആരോഗ്യ നില വഷളായതിനെതുടർന്ന് മോഹനനെ കോട്ടയം മെഡിക്കൽ കോളേജിലേക്ക് മാറ്റി. ഇവിടെ ചികിത്സയിലിരിക്കെയാണ് മോഹനൻ മരിക്കുന്നത്. മൃതദേഹം പോസ്റ്റ്മോർട്ടം നടപടികൾക്ക് ശേഷം ബന്ധുക്കൾക്ക് വിട്ടു നൽകി. അസ്വാഭാവിക മരണത്തിന് മുരിക്കാശ്ശേരി പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.