''കൂട്ടുകാരിക്ക് മെസ്സേജ് അയക്കുന്നതിനെ ചൊല്ലി പത്താംക്‌ളാസ് വിദ്യാർത്ഥിക്ക് സഹപാഠികളുടെ ക്രൂര മർദ്ദനം സംഭവം തിരുവനന്തപുരത്ത് ''

തിരുവനന്തപുരം; സ്കൂൾ വിദ്യാർഥിയെ നാലംഗ സംഘം മർദിക്കുന്ന ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുന്നു. സംഭവത്തിൽ പാറശാല പൊലീസ് അന്വേഷണം ആരംഭിച്ചു. കഴിഞ്ഞ തിങ്കൾ വൈകിട്ട് കാരോട് ബൈപ്പാസിലെ അയിര പാലത്തിനു സമീപമാണ് സംഭവം.

ചെങ്കവിള സ്വദേശിയായ പത്താം ക്ലാസ് വിദ്യാർഥിയെയാണ് നാലംഗ സംഘം ക്രൂരമായി മർദിക്കുന്നത്. മർദിക്കുന്നവർക്ക് പരിചയമുള്ള വിദ്യാർഥിനിയുടെ സമൂഹമാധ്യമ അക്കൗണ്ടിൽ മർദനമേറ്റയാൾ സന്ദേശം അയയ്ക്കുന്നതുമായി ബന്ധപ്പെട്ടാണ് തർക്കം നടന്നത്. 

വിദ്യാർഥിനിയെ കാണിക്കാനാണ് വിഡിയോ ചിത്രീകരിക്കുന്നതെന്ന് സംഘർഷത്തിനിടെ അക്രമികൾ വിളിച്ചു പറയുന്നതും വിഡിയോയിലുണ്ട്.