കൈക്കൂലി കേസ്: വില്ലേജ് ഓഫീസര്‍ കുറ്റക്കാരനാണെന്ന ഉത്തരവ് ശരിവച്ച് ഹൈക്കോടതി.

കൊച്ചി:പട്ടയ ഭൂമിയില്‍ നിന്ന് മരം മുറിച്ച വിവരം മേലധികാരികളെ അറിയിക്കാതിരിക്കാന്‍ കൈക്കൂലി വാങ്ങിയ കേസില്‍ കോഴിക്കോട് തരിയോട് മുന്‍ വില്ലേജ് ഓഫീസര്‍ പി.സി.രാജേന്ദ്രന്‍ കുറ്റക്കാരനാണെന്നു കണ്ടെത്തിയ വിജിലന്‍സ് കോടതിയുടെ ഉത്തരവ് ഹൈക്കോടതി ശരിവച്ചു.

എന്നാല്‍ വിചാരണക്കോടതി വിധിച്ച രണ്ടു വര്‍ഷത്തെ തടവുശിക്ഷ 73കാരനായ പ്രതി അംഗപരിമിതനാണെന്നതു കണക്കിലെടുത്ത് ഹൈക്കോടതി ഒരു വര്‍ഷമായി വെട്ടിക്കുറച്ചു. 

കോഴിക്കോട് വിജിലന്‍സ് കോടതിയുടെ വിധിക്കെതിരേ രാജേന്ദ്രന്‍ നല്‍കിയ അപ്പീല്‍ ജസ്റ്റീസ് ഡോ. കൗസര്‍ എടപ്പഗത്തിന്‍റെ ബെഞ്ചാണ് പരിഗണിച്ചത്. 

2000 ജൂലൈയിലാണ് തരിയോട് സ്വദേശി ജോസിനോട് പ്രതി കൈക്കൂലി ആവശ്യപ്പെട്ടത്.