യാത്രയ്ക്കിടെ വനിതാ ഡ്രൈവറെ പീഡിപ്പിച്ചു: യുവാവ് അറസ്റ്റില്‍,

കൊല്‍ക്കത്ത: വനിതാ ഡ്രൈവറെ പീഡിപ്പിച്ച കേസില്‍ യുവാവ് അറസ്റ്റില്‍. പ്രതിയായ സൗരഹ് സിൻഹ കഴിഞ്ഞ ദിവസം രാത്രി കൊല്‍ക്കത്ത വിമാനത്താവളത്തില്‍ നിന്നും ഗരിയാത്തിലേക്ക് പോകുന്നതിനായി യുവതിയുടെ കാര്‍ ബുക്ക് ചെയ്തിരുന്നു.വാഹനത്തില്‍ കയറിയ സൗരഹ് യുവതിയെ പീഡിപ്പിക്കുകയായിരുന്നു.

പ്രതിക്കെതിരെ യുവതി പൊലീസില്‍ പരാതി നല്‍കി. സംഭവത്തിനുശേഷം പ്രതിയും സുഹൃത്തുക്കളും തുടര്‍ച്ചയായി സന്ദേശങ്ങള്‍ അയച്ച്‌ ബുദ്ധിമുട്ടിച്ചു എന്നും പരാതിയില്‍ പറയുന്നു.

 യുവതിയുടെ പരാതിയുടെ അടിസ്ഥാനത്തില്‍ പൊലീസ് കേസ് രജിസ്റ്റര്‍ ചെയ്തു. തുടര്‍ന്ന് സൗരഹിനെ പൊലീസ് അറസ്റ്റ് ചെയ്തു. സംഭവ സമയത്ത് പ്രതി മദ്യപിച്ചിരുന്നോ എന്നറിയാൻ വൈദ്യപരിശോധനയ്ക്ക് വിധേയനാക്കി.