പെണ്‍കുട്ടിയുടെ പേരിലുള്ള വ്യാജ ഇൻസ്റ്റഗ്രാം അക്കൗണ്ടിനെ ചൊല്ലിയുള്ള തര്‍ക്കം; 17 കാരന് ദാരുണാന്ത്യം,

മംഗളൂരു: പെണ്‍കുട്ടിയുടെ പേരിലുള്ള വ്യാജ ഇൻസ്റ്റഗ്രാം അക്കൗണ്ടിലൂടെ നടത്തിയ സല്ലാപത്തെച്ചൊല്ലിയുള്ള പോര് 17 കാരന്റെ ജീവനെടുത്തു.ബെലഗാവി ജില്ലയില്‍ മല്ലപുര ഗ്രാമത്തിലെ പ്രജ്വല്‍ സുങ്കഡയാണ് കൊല്ലപ്പെട്ടത്.തന്നെ പരിഹാസപാത്രമാക്കിയത് സമപ്രായക്കാരായ കൂട്ടുകാരാണെന്ന് തിരിച്ചറിഞ്ഞ പ്രജ്വല്‍ തെറിവിളിച്ചിരുന്നു.

 ഇതില്‍ ക്ഷുഭിതരായ കൂട്ടുകാര്‍ നടത്തിയ അക്രമത്തില്‍ പരുക്കേറ്റ കുട്ടിയെ ആശുപത്രിയില്‍ പ്രവേശിപ്പിച്ചെങ്കിലും പരിക്ക് ഗുരുതരമായതിനാല്‍ മരണം സംഭവിക്കുകയായിരുന്നു. സംഭവത്തില്‍ പ്രായപൂര്‍ത്തിയാകാത്ത മൂന്ന് പേര്‍ക്ക് എതിരെ പൊലീസ് കേസെടുത്തിട്ടുണ്ട്.