കൊല്ലം: കരുനാഗപ്പള്ളിയില് വിദേശവനിതയെ പീഡിപ്പിച്ച കേസില് രണ്ടുപേര് പിടിയില്. യു.എസില് നിന്ന് അമൃതപുരിയിലെത്തിയ 44-കാരിയെ യുവാക്കൾ മദ്യം നൽകി പീഡിപ്പിക്കുകയായിരുന്നു.
കേസില് ചെറിയഴീക്കല് സ്വദേശികളായ നിഖില്, ജയന് എന്നിവരാണ് പിടിയിലായത്. രണ്ടു ദിവസങ്ങള്ക്കു മുമ്പാണ് കേസിനാസ്പദമായ സംഭവം നടന്നത്.അമൃതപുരി ആശ്രമത്തിനു സമീപമുള്ള ബീച്ചില് ഇരിക്കുകയായിരുന്ന യുവതിയുമായി യുവാക്കള് സൗഹൃദം സ്ഥാപിച്ചു.
സംസാരത്തിനിടെ സിഗരറ്റ് വേണോയെന്ന് യുവതിയോട് ചോദിച്ചു. അവര് അത് വിസമ്മതിച്ചപ്പോള് മദ്യകുപ്പി നല്കി പ്രലോഭിപ്പിച്ച് ബൈക്കില് കയറ്റി. ശേഷം ആളൊഴിഞ്ഞ വീട്ടിലെത്തിച്ച് ലൈംഗികമായി പീഡിപ്പിക്കുകയായിരുന്നു.അമിതമായി മദ്യം നൽകിയിരുന്നതിനാൽ യുവതി അബോധാവസ്ഥയിൽ ആയിരുന്നു.
പീഡനത്തിന് ശേഷം പ്രതികൾ ഇവരെ ഇവിടെ ഉപേക്ഷിച്ച് കടന്നുകളയുകയായിരുന്നു.ബോധം വന്നപ്പോഴാണ് താൻ ചതിക്കപ്പെടുകയായിരുന്നുവെന്ന് ഇവർ തിരിച്ചറിഞ്ഞത്. ശേഷം ആശ്രമത്തിലെത്തിയ ഇവര് അധികൃതരോട് വിവരം പറഞ്ഞു. ആശ്രമത്തില് നിന്ന് ആശുപത്രിയിലെത്തിച്ചു.
പിന്നീട് കരുനാഗപ്പള്ളി പോലീസ് സ്റ്റേഷനില് പരാതി നല്കുകയും ചെയ്തു. യുവതിയുടെ മൊഴിയുടെ അടിസ്ഥാനത്തിലാണ് പോലീസ് കേസെടുത്തത്. ചൊവ്വാഴ്ച രാത്രിയാണ് നിഖിലിനേയും ജയനേയും പോലീസ് പിടികൂടുന്നത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.