തിരുവോണ നാളിൽ ജീപ്പ് കെഎസ്ആർടിസി ബസിൽ ഇടിച്ചുണ്ടായ അപകടത്തിൽ രണ്ടു മരണം നിരവധിപേർക്ക് പരുക്ക്

കുളനട;പത്തനംതിട്ടയിൽ ജീപ്പ് കെഎസ്ആർടിസി ബസിൽ ഇടിച്ചുണ്ടായ അപകടത്തിൽ രണ്ടു മരണം.പത്തനംതിട്ട കുളനടയിൽ എംസി റോഡിലാണ് സംഭവം.കുളനട മാന്തുക പെട്രോൾ പമ്പിനു സമീപം നിയന്ത്രണം വിട്ട ജീപ്പ് കെഎസ്ആർടിസി ബസിൽ ഇടിക്കുകയായിരുന്നു.

ജീപ്പ് ഡ്രൈവർ ബിജു വിലാസത്തിൽ അരുൺ കുമാർ (29), ജീപ്പ് യാത്രികയായ കൊല്ലം കോട്ടയ്ക്കൽ ലതിക ഭവനിൽ ലതിക (50) എന്നിവരാണ് മരിച്ചത്.ബന്ധുവിന്റെ മരണവിവരമറിഞ്ഞു കോട്ടയത്തേക്ക് പോകുകയായിരുന്ന ജീപ്പാണ് അപകടത്തിൽ പെട്ടത്.

ഏഴു പേരോളം യാത്രക്കാർ ജീപ്പിൽ ഉണ്ടായിരുന്നതായി പ്രദേശ വാസികൾ പറഞ്ഞു.പരിക്കേറ്റവരെ അടുത്തുള്ള ആശുപത്രിയിൽ പ്രവേശിപ്പിച്ചു.കെഎസ്ആർടിസി സൂപ്പർ ഫാസ്റ്റ് ബസുമായി കൂട്ടിയിടിച്ചാണ് അപകടം