ന്യൂഡൽഹി;വയനാട് എംപി രാഹുൽ ഗാന്ധി യൂറോപ്പ് സന്ദർശനത്തിന് ഒരുങ്ങുന്നു. ബെൽജിയത്തിൽ യൂറോപ്യൻ കമ്മിഷൻ അംഗങ്ങളുമായി കൂടിക്കാഴ്ച നടത്തുന്ന രാഹുൽ പാരിസിലെ സർവകലാശാലാ വിദ്യാർഥികളെ അഭിസംബോധന ചെയ്യും.
ഓസ്‌ലോയിൽ ഒരു പരിപാടിയിൽ ഇന്ത്യൻ വംശജരെ അദ്ദേഹം അഭിസംബോധന ചെയ്തേക്കുമെന്നും ബന്ധപ്പെട്ട വൃത്തങ്ങളെ ഉദ്ധരിച്ച് വാർത്താ ഏജൻസിയായ പിടിഐ റിപ്പോർട്ട് ചെയ്തു. സെപ്റ്റംബറിലായിരിക്കും സന്ദർശനം.ന്യൂഡൽഹിയിൽ ജി20 രാജ്യങ്ങളുടെ ഉച്ചകോടി സെപ്റ്റംബർ 9 – 10 തീയതികളിലാണ്. അതേസമയത്തായിരിക്കും രാഹുൽ പോകുന്നതെന്നാണ് വിവരം.
യൂറോപ്യൻ യൂണിയൻ അംഗങ്ങളെ ബ്രസൽസിൽ സെപ്റ്റംബർ ഏഴിനാണ് രാഹുൽ കാണുക. ആകെ അഞ്ച് ദിവസത്തെ സന്ദർശനമാണ് രാഹുലിന്റേത്. സെപ്റ്റംബർ എട്ടിനാണ് വിദ്യാർഥികളെ അഭിസംബോധന ചെയ്യുന്നത്. സെപ്റ്റംബർ ഒന്‍പതിന് പാരിസിൽ ലേബർ യൂണിയൻ ഓഫ് ഫ്രാൻസ് യോഗത്തിൽ അദ്ദേഹം പങ്കെടുക്കും.
പിന്നാലെ നോർവെയിലെത്തുന്ന അദ്ദേഹം സെപ്റ്റംബർ പത്തിന് ഇന്ത്യൻ വംശജരെ അഭിസംബോധന ചെയ്യും. ഇവിടെ വാർത്താസമ്മേളനം നടത്തിയേക്കുമെന്നും റിപ്പോർട്ടിൽ പറയുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.