തിരുവനന്തപുരം: കാൻസര് മരുന്നുകള് പരമാവധി വില കുറച്ച് നല്കാൻ സര്ക്കാര് ശ്രമം നടത്തുകയാണെന്ന് ആരോഗ്യ വകുപ്പ് മന്ത്രി വീണാ ജോര്ജ്.
.jpeg)
കാൻസര് നേരത്തെ കണ്ടുപിടിക്കുക, പ്രാരംഭത്തില് തന്നെ ചികിത്സിക്കുക, മികച്ച ചികിത്സയ്ക്കായി ആധുനിക ചികിത്സാ സങ്കേതങ്ങള് ഉണ്ടാകുക എന്നത് സര്ക്കാരിന്റെ ലക്ഷ്യമാണ്. ജില്ലകളില് തദ്ദേശ സ്ഥാപനങ്ങളുടെ സഹകരണത്തോടെ ജില്ലാ കാൻസര് കെയര് ആരംഭിച്ചിട്ടുണ്ട്.
ജീവിതശൈലീ രോഗങ്ങളേയും കാൻസറിനേയും നേരത്തെ കണ്ടെത്തി ചികിത്സിക്കുന്നതിനായി ഈ സര്ക്കാര് ആര്ദ്രം ജീവിതശൈലി രോഗനിര്ണയ ക്യാമ്പയിൻ ആരംഭിച്ചു. ഇതിലൂടെ 1.45 കോടി പേരെ സ്ക്രീൻ ചെയ്യാൻ സാധിച്ചു. പ്രാഥമികമായ വിവരങ്ങള് ശേഖരിച്ച് ആവശ്യമായവര്ക്ക് പരിശോധനയും ചികിത്സയും ഉറപ്പ് വരുത്തുന്നു. കാൻസര് ബാധിച്ചവര്ക്ക് ചികിത്സ ഉറപ്പാക്കാനായി 14 ജില്ലകളിലും കാൻസര് ഗ്രിഡ് രൂപീകരിച്ചിട്ടുണ്ട്. ക്യാൻസര് ഡേറ്റ രജിസ്ട്രിയും ആരംഭിച്ചു.
കാൻസര് രോഗമുണ്ടെങ്കില് പ്രാരംഭ ഘട്ടത്തില് തന്നെ കണ്ടെത്തി ചികിത്സിക്കുന്നതിനായി ജനപങ്കാളത്തോടെ വലിയ പ്രവര്ത്തനങ്ങളാണ് നടത്തി വരുന്നത്. ചികിത്സാ സൗകര്യങ്ങള് മെച്ചപ്പെടുത്തുന്നതിന്റെ ഭാഗമായി റീജിയണല് കാൻസര് സെന്റര് ആധുനിക രീതിയില് ശാസ്ത്രീയമാക്കുക എന്നതാണ് ലക്ഷ്യമിടുന്നത്. ഇതിന്റെ ഭാഗമായാണ് ആര്.സി.സി.യില് പുതിയ ചികിത്സാ സംവിധാനങ്ങളൊരുക്കുന്നത്.
അതിനൂതന സാങ്കേതിക സൗകര്യങ്ങളുള്ള രോഗീസൗഹൃദ 3 ടെസ്ല എം.ആര്.ഐ. യൂണിറ്റാണ് ആര്.സി.സിയില് സജ്ജമാക്കിയിരിക്കുന്നത്. 19.5 കോടി രൂപയാണ് ഈ മെഷീൻ സ്ഥാപിക്കാൻ ചെലവായിട്ടുള്ളത്. സാധാരണ എം.ആര്.ഐ യൂണിറ്റിനെക്കാള് വേഗത്തില് കൂടുതല് ചിത്രങ്ങള് എടുത്ത് വിശകലനം നടത്തി രോഗ നിര്ണയം നടത്താനുള്ള ഹൈടെക് സാങ്കേതിക വിദ്യയാണ് ഇതില് ഉപയോഗപ്പെടുത്തിയിട്ടുള്ളത്.
സ്തനാര്ബുദ നിര്ണയത്തിനുള്ള ബ്രസ്റ്റ്കോയില്, പ്രോസ്റ്റേറ്റ് കാൻസര് നിര്ണയത്തിനുള്ള പ്രത്യേക സംവിധാനം എന്നിവയും ഈ യൂണിറ്റില് ഉണ്ട്. ഗ്രീൻ പ്രോട്ടോകോള് പ്രകാരം എനര്ജി ഓഡിറ്റ് നടത്തി പൂര്ണമായി സര്ക്കാര് ആശുപത്രികളെ സൗരോര്ജത്തിലേക്ക് മാറ്റാനാണ് ശ്രമിക്കുന്നത്. ആശുപത്രികളിലെ വൈദ്യുതി ചാര്ജ് വളരെയേറെ കുറയ്ക്കാൻ ഇതിലൂടെ സാധിക്കും. പൂര്ണമായും സോളാര് ഊര്ജത്തില് പ്രവര്ത്തിക്കുന്ന ആശുപത്രിയായി ആര്സിസിയെ മാറ്റുകയാണ് ലക്ഷ്യമെന്നും മന്ത്രി വീണാ ജോര്ജ് പറഞ്ഞു.
കടകംപള്ളി സുരേന്ദ്രൻ അധ്യക്ഷത വഹിച്ച ചടങ്ങില് ആര്.സി.സി. ഡയറക്ടര് ഡോ. രേഖ എ. നായര്, അനെര്ട്ട് സി.ഇ.ഒ. നരേന്ദ്രനാഥ് വേലൂരി, കൗണ്സിലര് ഡി.ആര്. അനില്, ആര്.സി.സി. അഡീഷണല് ഡയറക്ടര് ഡോ. എ. സജീദ് എന്നിവര് പങ്കെടുത്തു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.