നെയ്യാറ്റിന്‍കരയില്‍ ഉമ്മന്‍ ചാണ്ടിയുടെ സ്തൂപം അടിച്ചു തകര്‍ത്തു; പിന്നില്‍ ഡിവൈഎഫ്‌ഐ എന്ന് കോണ്‍ഗ്രസ്,

തിരുവനന്തപുരം: നെയ്യാറ്റിൻകരയില്‍ ഉമ്മൻചാണ്ടിയുടെ സ്തൂപം അടിച്ചു തകര്‍ത്ത നിലയില്‍. പൊൻവിളയില്‍ കഴിഞ്ഞ ദിവസം ഉദ്ഘാടനം ചെയ്ത സ്തൂപമാണ് തകര്‍ത്തത്.

അക്രമത്തിന് പിന്നില്‍ ഡിവൈഎഫ്‌ഐ ആണെന്ന് കോണ്‍ഗ്രസ് ആരോപിച്ചു. ആരോപണം നിഷേധിച്ച്‌ ഡിവൈഎഫ്‌ഐയും രംഗത്തെത്തി.

ഇന്നലെ വൈകിട്ട് എട്ടരോടെയാണ് സ്തൂപം തകര്‍ത്ത നിലയില്‍ കണ്ടെത്തിയത്. സ്ഥലത്തെ സിസിടിവി ദൃശ്യങ്ങളടക്കം ശേഖരിച്ച്‌ പൊലീസ് അന്വേഷണം ആരംഭിച്ചിട്ടുണ്ട്. സംഭവത്തിന് പിന്നില്‍ ആരെന്ന് ഇപ്പോള്‍ പറയാൻ കഴിയില്ലെന്നാണ് പാറശ്ശാല പൊലീസ് അറിയിച്ചിരിക്കുന്നത്.