എന്‍സിസി സീനിയര്‍ കേഡറ്റുകള്‍ ജൂനിയര്‍ കേഡറ്റുകളെ പൊതിരെ തല്ലുന്ന വീഡിയോ സോഷ്യല്‍ മീഡിയയില്‍ വിമര്‍ശനങ്ങള്‍ നേരിടുന്നു. മഴയത്ത് ചെളിയില്‍ തല കുമ്പിട്ടിരുത്തി എന്‍സിസി ജൂനിയര്‍ കേഡറ്റുകളെ പൊതിരെ തല്ലിുന്നതാണ് വീഡിയോയില്‍ കാണുന്നത്.
ഇങ്ങനെ ആണോ NCC യ്ക്ക് വരുന്ന ജൂനിയേർസിനോട് പെരുമാറുന്നത്.. ഇങ്ങനെ പോയാൽ മാതാപിതാക്കൾ NCC യ്ക്ക് കുട്ടികളെ വിടുമോ .. ഇങ്ങനെ ആണോ സ്റ്റാമിന ഉണ്ടാക്കുന്നത് .. ശ്ശെ .. എന്തൊരു മോശം ..ദൈവമേ .. അവൻ .. എന്തോ .. പ്രതികാരം തീർക്കുകയല്ലേ... ഇങ്ങനെ പോണു വീഡിയോ എടുത്ത ആളുടെ കമെന്റുകൾ..
മഹാരാഷ്ട്രയിലെ താനെയിലെ ജോഷി ബേഡേക്കര്‍ കോളേജ് ക്യാംപസില്‍ നിന്നുള്ളതാണ് പുറത്ത് വന്ന ദൃശ്യങ്ങള്‍. ചെളി വെള്ളത്തില്‍ മുട്ടു കുത്തിയിരിക്കുന്ന ജൂനിയര്‍ കേഡറ്റുകളെ വലിയ വടികൊണ്ട് സീനിയര്‍ കേഡറ്റ് മര്‍ദിക്കുന്നത് വീഡിയോയില്‍ വ്യക്തമാണ്. മര്‍ദനം താങ്ങാനാവാതെ വിദ്യാര്‍ത്ഥികള്‍ ചെളിവെള്ളത്തില്‍ നിലത്തേക്ക് വീഴുന്നതും ദൃശ്യങ്ങളില്‍ കാണാം. കൈകള്‍ പിന്നിലേക്ക് കെട്ടിയാണ് വിദ്യാര്‍ത്ഥികളെ ചെളി വെള്ളത്തില്‍ മുട്ടിലിരുത്തിയിരിക്കുന്നത്. കോളേജിലെ മറ്റൊരു വിദ്യാര്‍ത്ഥി പകര്‍ത്തിയ ദൃശ്യങ്ങള്‍ പുറത്ത് വന്നതോടെയാണ് സംഭവം പുറത്തറിയുന്നത്.
എന്‍സിസി പരിശീലന കാലത്ത് വിദ്യാര്‍ത്ഥികള്‍ക്ക് വിവിധ സേനയിലേതിന് സമാനമായ പരിശീലനമാണ് നല്‍കുന്നത്. പരിശീലനത്തിനിടയ്ക്ക് പറ്റിയ തെറ്റിനുള്ള ശിക്ഷയെന്ന രീതിയിലാണ് വിഡിയോയിലെ ക്രൂര മര്‍ദനം. വിദ്യാര്‍ത്ഥികളെ മര്‍ദിച്ചത് അധ്യാപകരല്ലെന്നാണ് കോളേജ് പ്രിന്‍സിപ്പല്‍ സുചിത്ര നായിക് ഇതിനോടകം ദേശീയ മാധ്യമങ്ങളോട് വിശദമാക്കിയത്. കോളേജിലെ തന്നെ വിദ്യാര്‍ത്ഥിയാണ് ജൂനിയര്‍ കേഡറ്റുകളെ മര്‍ദിച്ചത്.
പരിശീലനത്തിന്റെ പേരില്‍ മനുഷ്യത്വ രഹിതമായ രീതിയില്‍ ആണ് സീനിയര്‍ കേഡറ്റുമാര്‍ പെരുമാറുന്നത്. എന്‍സിസി ഈ മുറയ്‌ക്കെതിരെയാണ് സമൂഹമാധ്യമങ്ങളില്‍ രൂക്ഷ വിമര്‍ശനം ഉയരുന്നത്.
Junior students of National Cadet Corps (NCC) were subjected to assault purportedly by a senior trainer at the campus of Vidya Prasarak Mandal or #Thane college after an undated video of the brutal thrashing went viral @TOIMumbai #Mumbai pic.twitter.com/IPtYdtw1nr
— Nishikant Karlikar (@NishikantkTOI) August 3, 2023
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.