കടത്തിണ്ണയ്ക്കായി അവകാശത്തർക്കം, കാലിൽ കല്ലുകൊണ്ട് ഇടിച്ചു; പരുക്കേൽപ്പിച്ച കടന്നു കളഞ്ഞ പ്രതിയെ തിരഞ്ഞ് പോലീസ്, .

കൊച്ചി: പതിവായി ഉറങ്ങുന്ന കടത്തിണ്ണയ്ക്കായി രണ്ട് അന്യസംസ്ഥാന തൊഴിലാളികൾ തമ്മിൽ അവകാശ തർക്കം. വഴക്ക് രൂക്ഷമായതിനു പിന്നാലെ ബം​ഗാൾ സ്വദേശിയുടെ കാലിൽ കല്ലുകൊണ്ടിടിച്ച് പരിക്കേൽപ്പിച്ചു.

കഴിഞ്ഞ ദിവസം രാത്രി പനമ്പള്ളി ന​ഗർ ഷോപ്പിങ് കോംപ്ലക്സിലാണ് സംഭവമുണ്ടായത്. ബം​ഗാൾ സ്വദേശിയായ ഹരിയും തമിഴ്നാട് സ്വദേശിയും ഷോപ്പിങ് കോംപ്ലക്സിലെ കടത്തിണ്ണയിലാണ് പതിവായി ഉറങ്ങാനെത്തുന്നത്. 

കടത്തിണ്ണയ്ക്കായി ഇവർ തർക്കിക്കുകയായിരുന്നു. ആക്രമണത്തിൽ പരിക്കേറ്റ ഹരിയെ എറണാകുളം ​ഗവൺമെന്റ് മെഡിക്കൽ കോളജിൽ പ്രവേശിപ്പിച്ചു. 

കൃത്യം നടത്തിയ ശേഷം സ്ഥലംവിട്ട തമിഴ്നാട്ടുകാരനുവേണ്ടി പൊലീസ് അന്വേഷണം ​ഊർജിതമാക്കി. സൗത്ത് പൊലീസാണ് അന്വേഷണം നടത്തുന്നത്.