ഉരുളക്കിഴങ്ങ് കഴിച്ചാല്‍ ശരീരഭാരം കൂടുമെന്നാണ് പലരുടെയും ധാരണ. എന്നാല്‍ പോഷകങ്ങളുടെ കലവറയായ ഉരുളക്കിഴങ്ങ് ശരീരഭാരം കുറയ്ക്കാൻ സഹായിക്കും.പക്ഷെ, ഉരുളക്കിഴങ്ങ് എങ്ങനെ ഉപയോഗിക്കുന്നു എന്നതിലാണ് കാര്യം..jpeg)
വൈറ്റമിൻ സി അടങ്ങിയിട്ടുള്ളതിനാല്‍ ഉരുളക്കിഴങ്ങ് രോഗപ്രതിരോധശക്തി വര്‍ധിപ്പിക്കും. ഉരുളക്കിഴങ്ങിലടങ്ങിയ നാരുകള്‍ ശരീരഭാരം കുറയ്ക്കാൻ സഹായിക്കുന്നതാണ്. വിശപ്പകറ്റാനും ഏറെ നേരം വയര്‍ നിറഞ്ഞെന്ന തോന്നലുണ്ടാകാനും ഉരുളക്കിഴങ്ങ് കഴിക്കുന്നത് നല്ലതാണ്. ഇടയ്ക്കിടെ ഭക്ഷണം കഴിക്കുന്നത് ഒഴിവാക്കാനും അതുവഴി അമിതവണ്ണം കുറയ്ക്കാനും ഇത് നല്ലതാണ്.
ഉരുളക്കിഴങ്ങ് കോംപ്ലക്സ് കാര്‍ബോഹൈഡ്രേറ്റുകളുടെ ഉറവിടമായതിനാല്‍ ശരീരം ഇതിനെ സമയമെടുത്ത് മാത്രമേ വിഘടിപ്പിക്കുകയുള്ളൂ. ഊര്‍ജം പുറന്തള്ളുന്നതും സാവധാനത്തിലായിരിക്കും. അതുവഴി ക്ഷീണവും തളര്‍ച്ചയും അകറ്റി ദീര്‍ഘനേരം ഊര്‍ജ്ജം നിലനിര്‍ത്താൻ ഇത് സഹായിക്കും.
ഉരുളക്കിഴങ്ങില്‍ കാലറിയും കൊഴുപ്പും കുറവാണെന്നതും ശരീരഭാരം കുറയ്ക്കാനുള്ള ശ്രമങ്ങള്‍ക്ക് അനുകൂലമാകും. രക്തത്തിലെ പഞ്ചസാരയുടെ അളവും രക്തസമ്മര്‍ദ്ദവും ആരോഗ്യകരമാ‌യി നിലനിര്‍ത്തുന്നതും ശരീരഭാരം കുറയ്ക്കുന്നതില്‍ അനിവാര്യമാണ്. ഉരുളക്കിഴങ്ങില്‍ പൊട്ടാസ്യം ധാരാളം ഉള്ളതിനാല്‍ ഇത് രക്തസമ്മര്‍ദ്ദം നിയന്ത്രിക്കാൻ സഹായിക്കും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.