കണക്കുകൂട്ടലുകൾ പിഴച്ചില്ല; ചന്ദ്ര കൊടുമുടിയില്‍ ISRO. റോവർ പുറത്തിറങ്ങി, ഇരുളിലെ രഹസ്യങ്ങളിലേക്ക് വെളിച്ചം വീശുന്നത് കാത്ത് ശാസ്ത്രലോകം.

ന്യൂ​ഡ​ൽ​ഹി: ച​ന്ദ്രോ​പ​രി​ത​ല​ത്തി​ൽ പ​ഠ​നം ന​ട​ത്താ​നു​ള്ള "പ്ര​ഗ്യാ​ൻ' റോ​വ​ർ ച​ന്ദ്ര​യാ​ൻ 3 ദൗ​ത്യ​ത്തി​ലെ "വി​ക്രം' ലാ​ൻ​ഡ​ർ പേ​ട​ക​ത്തി​ൽ നി​ന്ന് പു​റ​ത്തി​റ​ങ്ങി. ഇരുളിലെ രഹസ്യങ്ങളിലേക്ക് വെളിച്ചം വീശുന്നത് കാത്ത് ശാസ്ത്രലോകം. 

ലാ​ൻ​ഡ​റി​ന്‍റെ വാ​തി​ൽ തു​റ​ന്ന് റോ​വ​ർ പു​റ​ത്തേ​ക്ക് ഇ​റ​ങ്ങു​ന്ന​തി​ന്‍റെ ദൃ​ശ്യ​ങ്ങ​ൾ ഇ​സ്റോ പു​റ​ത്തു​വി​ട്ടു. ലാ​ൻ​ഡിം​ഗി​ന് ശേ​ഷം ച​ന്ദ്രോ​പ​രി​ത​ല​ത്തി​ൽ ഉ​യ​ർ​ന്നു​പൊ​ങ്ങി​യ പൊ​ടി​പ​ട​ല​ങ്ങ​ൾ കെ​ട്ട​ട​ങ്ങി​യ ശേ​ഷ​മാ​ണ് റോ​വ​ർ പു​റ​ത്തി​റ​ങ്ങി​യ​ത്. 

പ്രഗ്യാൻ റോവർ വേർപെട്ട് ചന്ദ്രോപരിതലത്തിൽ പര്യവേഷണം നടത്തുന്നതിനിടെ, അശോകസ്തംഭവും ഇസ്റോയുടെ ചിഹ്നവും റോവർ ചന്ദ്രോപരിതലത്തിൽ കോറിയിടും. ഇതിന്റെ ചക്രങ്ങളിൽ ഈ ചിഹ്നങ്ങൾ പതിപ്പിച്ചിട്ടുണ്ട്. കാറ്റ് ഇല്ലാത്തതിനാൽ ഈ മുദ്ര മായാതെ കിടക്കും.

ച​ന്ദ്ര​നി​ലെ ഗു​രു​ത്വാ​ക​ർ​ഷ​ണ​ബ​ലം മൂ​ലം പൊ​ടി​പ​ട​ല​ങ്ങ​ൾ താ​ഴേ​ക്ക് വ​രാ​ൻ ഏ​റെ സ​മ​യ​മെ​ടു​ക്കു​മെ​ന്ന​തി​നാ​ൽ, റോ​വ​ർ പെ​ട്ടെ​ന്ന് പു​റ​ത്തി​റ​ക്കാ​ൻ സാ​ധി​ക്കി​ല്ലെ​ന്ന് ഇ​സ്റോ അ​റി​യി​ച്ചി​രു​ന്നു. 

റോ​വ​ർ അ​തി​വേ​ഗം പു​റ​ത്തി​റ​ക്കാ​ൻ ശ്ര​മി​ച്ചാ​ൽ അ​തി​ൽ ഘ​ടി​പ്പി​ച്ചി​രി​ക്കു​ന്ന കാ​മ​റ​ക​ളും മ​റ്റ് യ​ന്ത്ര​ഭാ​ഗ​ങ്ങ​ളും ന​ശി​ക്കാ​ൻ സാ​ധ്യ​ത​യു​ണ്ടെ​ന്ന് ശാ​സ്ത്ര​ജ്ഞ​ർ നേ​ര​ത്തെ വ്യ​ക്ത​മാ​ക്കി​യി​രു​ന്നു. ഇ​തി​നാ​ൽ സോ​ഫ്റ്റ് ലാ​ൻ​ഡിം​ഗ് പൂ​ർ​ത്തി​യാ​ക്കി ഒ​രു ദി​വ​സ​മെ​ങ്കി​ലും ക​ഴി​ഞ്ഞ ശേ​ഷം റോ​വ​ർ പു​റ​ത്തി​റ​ക്കാ​നാ​ണ് ഇ​സ്റോ നി​ശ്ചി​യി​ച്ചി​രു​ന്ന​ത്. എ​ന്നാ​ൽ ച​ന്ദ്ര​നി​ലെ സാ​ഹ​ച​ര്യ​ങ്ങ​ൾ അ​നു​കൂ​ല​മാ​യ​തോ​ടെ റോ​വ​ർ രാ​ത്രി 10-ന് ​പു​റ​ത്തി​റ​ക്കു​ക​യാ​യി​രു​ന്നു. നേ​ര​ത്തെ, ച​ന്ദ്ര​നി​ൽ ലാ​ൻ​ഡ് ചെ​യ്ത​തി​ന് ശേ​ഷം ലാ​ൻ​ഡ​ർ ആ​ദ്യ​മാ​യി പ​ക​ർ​ത്തി​യ ച​ന്ദ്രോ​പ​രി​ത​ല​ത്തി​ന്‍റെ ദൃ​ശ്യ​ങ്ങ​ൾ ഇ​സ്റോ സാ​മൂ​ഹ്യ​മാ​ധ്യ​മ​ങ്ങ​ളി​ലൂ​ടെ പ​ങ്കു​വ​ച്ചി​രു​ന്നു. 

ച​ന്ദ്ര​ന്‍റെ ദ​ക്ഷി​ണ​ദ്രു​വ​ത്തി​ൽ ഇ​ന്നലെ വൈ​കി​ട്ട് ആ​റി​നാണ് ലാ​ൻ​ഡ​ർ സോ​ഫ്റ്റ് ലാ​ൻ​ഡിം​ഗ് ന​ട​ത്തി​യ​ത്. ച​ന്ദ്ര​ന്‍റെ ദ​ക്ഷി​ണ ധ്രു​വ​ത്തി​ൽ സോ​ഫ്റ്റ് ലാ​ൻ​ഡിം​ഗ് ന​ട​ത്തു​ന്ന ആ​ദ്യ​ത്തെ രാ​ജ്യ​മെ​ന്ന ച​രി​ത്ര നേ​ട്ട​മാ​ണ് ഇ​തോ​ടെ പി​റ​ന്ന​ത്. യു​എ​സ്, റ​ഷ്യ, ചൈ​ന എ​ന്നീ രാ​ജ്യ​ങ്ങ​ൾ​ക്ക് പി​ന്നാ​ലെ ച​ന്ദ്ര​നി​ൽ സോ​ഫ്റ്റ് ലാ​ൻ​ഡിം​ഗ് ന​ട​ത്തു​ന്ന നാ​ലാ​മ​ത്തെ രാ​ജ്യ​മെ​ന്ന റി​ക്കാ​ർ​ഡും ഇ​ന്ത്യ സ്വ​ന്ത​മാ​ക്കി​യി​രു​ന്നു.

ചന്ദ്രയാൻ-3 ദൗത്യത്തിൽ റോവർ സഞ്ചരിക്കുന്ന ഇടത്തുനിന്ന് ശേഖരിക്കുന്ന വിവരങ്ങൾ ലാൻഡറിലേക്കും അവിടെ നിന്ന് ഇസ്രോ മിഷൻ കൺട്രോളിലേക്കും കിട്ടും. അടുത്ത 14 ദിവസം, പ്രഗ്യാൻ റോവർ ചന്ദ്രോപരിതലത്തിൽ നിന്നും ചിത്രങ്ങളും വിവരങ്ങളും അയയ്ക്കും. 14 ദിവസത്തിന് ശേഷം പതിയെ പ്രവർത്തനം മന്ദഗതിയിലാകും. കാരണം സൗരോർജ്ജ സെല്ലുകൾ വഴിയാണ് റോവർ പ്രവർത്തിക്കുന്നത്. 

ലാൻഡറിൽ നിന്ന് നിശ്ചിത ദൂരത്തിൽ മാത്രമാണ് റോവർ സഞ്ചരിക്കുക. വെള്ളത്തിന്റെ സാന്നിധ്യമുൾപ്പെടെ പഠിക്കാൻ ഒരു ചാന്ദ്രദിനം, അതായത് ഭൂമിയിലെ 14 ദിവസമാകും റോവറിന് ലഭിക്കുക. ചന്ദ്രയാൻ രണ്ടിന്റെ ഓർബിറ്റർ വഴിയാകും ലാൻഡറുമായി ആശയവിനിമയം നടത്തുന്നത്. റോവറിന്റെ മുന്നിലായുള്ള രണ്ട് 1 മെഗാപിക്സൽ മോണോക്രോമാറ്റിക് ക്യാമറകൾ വഴിയാണ് ഭൂമിയുള്ള ചിത്രങ്ങളെടുക്കുക. 

ചന്ദ്രനിൽ സൂര്യപ്രകാശം അകന്ന് രാത്രി പടരുന്നതോടെ റോവറിന്റെ സൗരോർജ്ജ പാനലുകൾ അടഞ്ഞുപോകാനാണ് സാധ്യത. മേഖലയിൽ ജലസാന്നിധ്യം കണ്ടെത്തിയ പശ്ചാത്തലത്തിൽ പ്രഗ്യാൻ അയക്കുന്ന ഡാറ്റ സുപ്രധാനമാണ്.

ചന്ദ്രന്റെ ഉപരിതലത്തിന്റെ ത്രിഡി രൂപം ലഭിക്കുന്നതോടെ റോവറിന്റെ സഞ്ചാര പാത എളുപ്പം തീരുമാനിക്കാൻ സാധിക്കും ആറുചക്രമുള്ള പ്രഗ്യാൻ റോവറിന് ഏകദേശം 27 കിലോഗ്രാം ഭാരമുണ്ട്. സൗരോർജ പാനലുകളാണ് പ്രഗ്യാന് പ്രവർത്തിക്കാൻ വേണ്ട ഊർജം നൽകുക. 

സെക്കൻഡിൽ ഒരുസെന്റിമീറ്റർ വേഗത്തിലാണ് പ്രഗ്യാൻ ചന്ദ്രന്റെ ഉപരിതലത്തിൽ സഞ്ചരിക്കുക. ആകെ അര കിലോമീറ്ററോളം ദൂരം ചാന്ദ്ര വാഹനം സഞ്ചരിക്കുമെന്നാണ് പ്രതീക്ഷ. മൂന്ന് അടി നീളവും 2.5 അടി വീതിയും 2.8 അടി ഉയരവുമാണ് പ്രഗ്യാനുള്ളത്. സൗരോർജ്ജ പാനലുകൾ വിടർത്തിയ ശേഷമാണ് പ്രഗ്യാൻ പുറത്തിറങ്ങിയത്. ലാൻഡറുമായി ഒരു വയർ വഴി ബന്ധിപ്പിച്ചിരിക്കുന്നു. ചന്ദ്രോപരിതലത്തിൽ റോവർ നിലയുറപ്പിച്ചാൽ ഈ വയർ വിച്ഛേദിക്കപ്പെടും. തുടർന്ന് പര്യവേക്ഷണം തുടങ്ങും.