നിരവധി കുറ്റകൃത്യങ്ങളിൽ പ്രതിയായ യുവാവിനെ കാസർഗോഡ് ജില്ലയിൽ കാപ്പ ചുമത്തി ജയിലിലടച്ചു

കാസർഗോഡ്: മോഷണം, അടിപിടി, മയക്കുമരുന്ന് മുതലായ കേസുകളിൽ പ്രതിയായ യുവാവിനെ കാപ്പ നിയമം ചുമത്തി ജയിലിലടച്ചു.

ചെറുവത്തൂർ റെയിൽവേ സ്റ്റേഷന് സമീപത്തെ സുഹൈൽ (24) ആണ് അറസ്റ്റിലായത്. ഓടി രക്ഷപ്പെടാൻ ശ്രമിച്ച ഇയാളെ ചന്തേര പോലീസ്  സാഹസികമായി പിന്തുടർന്ന പിടികൂടുകയായിരുന്നു.

കാസറഗോഡ് ജില്ലാ പോലീസ് മേധാവി ഡോ: വൈഭവ് സക്സേന ഐപിഎസിന്റെ റിപ്പോർട്ടിന്റെ അടിസ്ഥാനത്തിലാണ് കാപ്പ ചുമത്തിയത്.

ചന്തേര SI ശ്രീദാസൻ, ASI ലക്ഷ്മണൻ, CPO മാരായ സുധീഷ്, ഷാജു, സുരേഷ് ബാബു എന്നിവരാണ് ടീമിൽ ഉണ്ടായിരുന്നത്.