നമ്മുടെ നാട്ടില്‍ സര്‍വ്വസാധാരണമായി കാണുന്ന ഫലമാണ് പപ്പായ. കപ്പയ്ക്ക, കറുമൂസ്, ഓമയ്ക്ക എന്നിങ്ങനെ വ്യത്യസ്ത പേരുകളിലും പപ്പായ അറിയപ്പെടാറുണ്ട്.
.jpeg)
എന്നാൽ മിക്കവരും പപ്പായയ്ക്ക് അത്ര പ്രാധാന്യം നല്‍കാറില്ല. നിരവധി ആരോഗ്യ ഗുണങ്ങളാല്‍ സമ്പഷടമാണത്. കലോറി കുറവാണെങ്കിലും വിറ്റാമിനുകളും നാരുകളും കൂടുതലുള്ള ഒന്നാണ് പപ്പായ. ആന്റിഓക്സിഡന്റുകള്‍, വിറ്റാമിനുകള്‍, ധാതുക്കള്‍ എന്നിവയുടെ മികച്ച ഉറവിടം കൂടിയാണിത്.
ഇത് പ്രമേഹ രോഗികള്‍ക്ക് പല തരത്തില്‍ ഗുണം ചെയ്യും. പപ്പായയുടെ ഗ്ലൈസെമിക് ഇന്‍ഡക്‌സ് (ജിഐ) കുറവാണ്. അതായത് ഇത് രക്തത്തില്‍ പഞ്ചസാരയുടെ അളവ് കാര്യമായി വര്‍ദ്ധിപ്പിക്കില്ല. പപ്പായയ്ക്ക് ജിഐ 60 ഉണ്ട്. ഇത് പ്രമേഹരോഗികള്‍ക്ക് സുരക്ഷിതമായ പരിധിക്കുള്ളിലാണ്.
കാര്‍ബോഹൈഡ്രേറ്റുകള്‍, പ്രോട്ടീനുകള്‍, കൊഴുപ്പുകള്‍ എന്നിവ എളുപ്പത്തില്‍ ദഹിക്കുന്ന രൂപങ്ങളാക്കി വിഘടിപ്പിക്കാന്‍ സഹായിക്കുന്ന പപ്പൈന്‍, കൈമോപൈന്‍ എന്നീ എന്‍സൈമുകള്‍ പപ്പായയില്‍ അടങ്ങിയിട്ടുണ്ട്. ഇത് രക്തത്തിലെ പഞ്ചസാരയുടെ വര്‍ദ്ധനവ് തടയുന്നു.
പപ്പായയില്‍ അടങ്ങിയിരിക്കുന്ന നാരുകള്‍ രക്തചംക്രമണത്തിലെ പഞ്ചസാരയുടെ ആഗിരണത്തെ മന്ദഗതിയിലാക്കി രക്തത്തിലെ പഞ്ചസാരയുടെ അളവ് നിയന്ത്രിക്കാന്‍ സഹായിക്കുന്നു. കൂടാതെ, ഇത് മലബന്ധം തടയുന്നു. പ്രമേഹരോഗികളെ സംബന്ധിച്ച്‌ ഇത് വളരെ പ്രധാനമാണ്.
പ്രമേഹരോഗികള്‍ക്ക് പപ്പായ കഴിക്കാനുള്ള ഏറ്റവും നല്ല മാര്‍ഗം അതിന്റെ സ്വാഭാവിക രൂപത്തില്‍ ലഘുഭക്ഷണമായോ സാലഡായോ കഴിക്കുന്നതാണ്. പപ്പായ ജ്യൂസോ സ്മൂത്തികളോ ഒഴിവാക്കുന്നതാണ് നല്ലത്. കാരണം ഇവയില്‍ വീണ്ടും പഞ്ചസാര ചേര്‍ക്കും അപ്പോള്‍ ഇത് രക്തത്തിലെ പഞ്ചസാരയുടെ അളവ് വര്‍ദ്ധിപ്പിക്കും.
വിറ്റാമിന്‍ സി, എ എന്നിവയാല്‍ സമ്ബുഷ്ടമാണ് പപ്പായ.കൂടാതെ, പ്രമേഹവുമായി ബന്ധപ്പെട്ട ഹൃദ്രോഗം, കാഴ്ചക്കുറവ്, വൃക്ക തകരാറുകള്‍ തുടങ്ങിയ സങ്കീര്‍ണതകളുടെ സാധ്യത കുറയ്ക്കാനും ഇവ സഹായിക്കും. അതേസമയം നിങ്ങളുടെ ഭക്ഷണത്തില്‍ പപ്പായ ഉള്‍പ്പെടുത്തുണ്ടെങ്കില്‍ അത് മിതമായ അളവില്‍ കഴിക്കാന്‍ ഓര്‍ക്കുക. കാരണം ഏതെങ്കിലും പഴത്തിന്റെ അമിത ഉപയോഗം രക്തത്തിലെ പഞ്ചസാരയുടെ അളവ് വര്‍ദ്ധിപ്പിക്കും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.