ശ്രീനഗര്:സൈനിക വാഹനം കൊക്കയിലേക്ക് മറിഞ്ഞ് 9 സൈനികര്ക്ക് ദാരുണാന്ത്യം.ഒരാള്ക്ക് ഗുരുതരമായി പരിക്കേറ്റു. ലഡാക്കില്നിന്ന് ലേയിലേക്ക് പോകുന്നതിനിടെ വൈകിട്ട് 4.45ഓടെയാണ് അപകടമെന്ന് സൈനിക വൃത്തങ്ങൾ അറിയിച്ചു.
ശനിയാഴ്ച വൈകിട്ട് ലേയ്ക്ക് 150 കിലോമീറ്റര് അകലെ ന്യോമയിലുള്ള കിയാരിയിലാണ് അപകടമുണ്ടായത്. പത്ത് സൈനികര് സഞ്ചരിച്ച ട്രക്ക് റോഡില്നിന്ന് മലയിടുക്കിലേക്ക് മറിഞ്ഞ് പുഴയില് പതിക്കുകയായിരുന്നു. 10 പേരാണ് വാഹനത്തില് ഉണ്ടായിരുന്നത്. 8 ജവാന്മാരും ഒരു ജൂനിയര് കമ്മീഷന്ഡ് ഓഫീസറുമാണ് മരിച്ചത്.
മറ്റൊരു എസ് യു വിയും ആംബുലന്സും ഉള്പ്പെടെ 34 സൈനികര് ഉള്പ്പെട്ട ട്രൂപ്പിന്റെ ഭാഗമായിരുന്നു അപകട്ടത്തില്പ്പെട്ട ട്രക്ക്.കേന്ദ്ര പ്രതിരോധമന്ത്രി രാജ്നാഥ് സിംഗ് സംഭവത്തിൽ ദുഃഖം രേഖപ്പെടുത്തി. “ലഡാക്കിലെ ലേയ്ക്ക് സമീപമുണ്ടായ അപകടത്തിൽ ഇന്ത്യൻ കരസേനാംഗങ്ങളുടെ ജീവൻ നഷ്ടപ്പെട്ടതിൽ ദുഃഖമുണ്ട്.
രാജ്യത്തിന് വേണ്ടിയുള്ള അവരുടെ മാതൃകാപരമായ സേവനം നാം ഒരിക്കലും മറക്കില്ല. എന്റെ ചിന്തകൾ ദുഃഖിതരായ കുടുംബങ്ങൾക്കൊപ്പമാണ്. പരിക്കേറ്റ സൈനികനെ ഫീൽഡ് ആശുപത്രിയിൽ പ്രവേശിപ്പിച്ചു. വേഗത്തിൽ സുഖം പ്രാപിക്കാൻ പ്രാർത്ഥിക്കുന്നു, ” ‘എക്സി’ലെ ഒരു പോസ്റ്റിൽ രാജ്നാഥ് സിംഗ് കുറിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.