ന്യൂഡല്ഹി: ഉത്തരേന്ത്യയില് വിവിധ സംസ്ഥാനങ്ങളിലായി ഇതുവരെ 12 മരണം റിപ്പോര്ട്ട് ചെയ്തു. കനത്ത മഴ, വെള്ളപ്പൊക്കം, മണ്ണിടിച്ചില് തുടരുന്നു. ഡല്ഹി, ഹരിയാന, ഹിമാചല് പ്രദേശ്, ഉത്തരാഖണ്ഡ്, രാജസ്ഥാന്, പഞ്ചാബ്, ജമ്മു കശ്മീര് എന്നിവിടങ്ങളിലാണ് കനത്ത മഴ.അതേസമയം ദക്ഷിണേന്ത്യയില് കര്ണാടകയില് മഴ ശക്തമാണെങ്കിലും കേരളത്തില് ഇന്ന് മഴയ്ക്ക് ശമനമുണ്ട്.
ജമ്മു കശ്മീരിലെ പൂഞ്ച് ജില്ലയില് ഇന്നലെ രണ്ട് സൈനികര് മുങ്ങി മരിച്ചിരുന്നു. ദേശീയപാത 44 ന്റെ ഒരു ഭാഗം തകര്ന്നു. ഛാബ സെരിയിലെ നന്ദിയോട് ചേര്ന്ന ഭാഗത്താണ് റോഡ് തകര്ന്നത്. കനത്ത മഴയെ തുടര്ന്ന് ജമ്മു-ശ്രീനഗര് ദേശീയ പാത അടച്ചു.
തുടര്ച്ചയായി രണ്ടാം ദിവസവും നിര്ത്താതെ പെയ്ത മഴയില് ജമ്മുവില് പലയിടത്തുമുണ്ടായ മണ്ണിടിച്ചിലിനെ തുടര്ന്ന് ജമ്മുവിലും വിവിധ സ്ഥലങ്ങളിലും ഗുഹാക്ഷേത്രത്തിലേക്കുള്ള യാത്രാമധ്യേ കുടുങ്ങിയ ആയിരക്കണക്കിന് തീര്ഥാടകരെ രക്ഷപ്പെടുത്തി സുരക്ഷിത സ്ഥാനത്തേക്ക് മാറ്റി.
ഡല്ഹിയില് ഫ്ളാറ്റിലെ സീലിങ് തകര്ന്ന് 58 വയസുകാരി മരിച്ചു. രാജസ്ഥാനില് മഴക്കെടുതിയില് നാല് പേര് മരിച്ചു. ഉത്തര്പ്രദേശിലെ മുസാഫര്നഗറില് കനത്ത മഴയില് വീട് തകര്ന്ന് സ്ത്രീയും ആറു വയസുള്ള മകളും മരിച്ചു.
Raining since 24 hours!!! Please be very careful while travelling to hills!!!
— Queen of Himachal (@himachal_queen) July 9, 2023
pic.twitter.com/4ePUvSl4uZ
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.