മധുരയിൽ ഇന്ന് പുലർച്ചെയുണ്ടായ വാഹനാപകടത്തിൽ നാലുപേർ മരണപെട്ടു

ചെന്നൈ:മധുരയിൽ വാഹനപകടത്തിൽ നാല് മരണം. മധുര ജില്ലയിലെ തിരുമം​ഗലത്താണ് കാറും ലോറിയും കൂട്ടിയിടിച്ച് അപകടമുണ്ടായത്. കാർ യാത്രക്കാരായ മൂന്ന് പേരും ലോറി ഡ്രൈവറുമാണ് മരിച്ചത്. തിങ്കളാഴ്ച പുലർച്ചെയായിരുന്നു അപകടം.

കന്യാകുമാരിയിൽ നിന്നുവന്ന കാർ നിയന്ത്രണം വിട്ട് എതിർദിശയിൽ വന്ന കണ്ടെയ്‌നർ ലോറിയിൽ ഇടിച്ചായിരുന്നു അപകടം. നാല് പേരും സംഭവസ്ഥലത്ത് വച്ചുതന്നെ മരിച്ചു. കാർ യാത്രക്കാരായ മൂന്ന് പേരും ഒരു കുടുംബത്തിലേതാണെന്നാണ് വിവരം. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.