നിരവധി യാത്രക്കാരുമായി പറന്നുയർന്ന എയർ ഇന്ത്യ വിമാനം ഗുരുതര യന്ത്രത്തകരാറിനെ തുടർന്ന് അടിയന്തിരമായി തിരുവനന്തപുരം വിമാനത്താവളത്തിൽ ലാൻഡ് ചെയ്തു' ഒഴിവായത് വൻ ദുരന്തം

തിരുവനന്തപുരം; നിരവധി യാത്രക്കാരുമായി തമിഴ്‌നാട് തിരുച്ചിറപ്പള്ളിയിൽ നിന്ന് ഷാർജയിലേക്ക് പുറപ്പെട്ട എയർ ഇന്ത്യ എക്സ്പ്രസ് വിമാനം സാങ്കേതിക തകരാറിനെ തുടർന്ന്  അടിയന്തരമായി തിരുവനന്തപുരം വിമാനത്താവളത്തിൽ ഇറക്കി.

 പറന്നുയർന്നതിന് ശേഷം യന്ത്രത്തകരാർ കണ്ടെത്തിയതിനെ തുടർന്നാണ് വിമാനം അടിയന്തര ലാൻഡിങ് നടത്തിയത്.

യാത്രക്കാർ സുരക്ഷിതരാണെന്ന് അധികൃതർ അറിയിച്ചു. വിമാനത്താവളത്തിൽ സമ്പൂർണ അടിയന്തരാവസ്ഥ പ്രഖ്യാപിച്ചിരുന്നു. വിമാനത്താവളത്തിൽ നിരവധി അഗ്നിശമന സേന അംഗങ്ങളും  ആംബുലൻസുകളും തയാറക്കി നിർത്തിയിരുന്നു.

ഒഴിവായത് വൻ ദുരന്തമാണെന്ന് വ്യോമയാന വൃത്തങ്ങൾ പറഞ്ഞു.യാത്രക്കാരെല്ലാം സുരക്ഷിതരാണ്