പാലാ ;കെ.എസ്. ഇ .ബി. ജീവനക്കാരൻ ബിജുമോൻ പി.യുടെ ആത്മഹത്യ ശ്രമവുമായി ബന്ധപ്പെട്ട് ആരോപണ വിധേയനായ കെ. എസ്. ഇ .ബി പാലാ എക്സിക്യൂട്ടീവ് എഞ്ചിനീയർ ബാബുജാന് എതിരെ വകുപ്പ് തല നടപടി. പാലാ എക്സിക്യൂട്ടീവ് എഞ്ചിനീയറെ അന്വേഷണ വിധേയമായി വിദ്യുച്ഛക്തി വകുപ്പ് സസ്പെൻഡ് ചെയ്തു.
ബിജുമോന്റെ ഭാര്യ ചെയർമാൻ ആൻഡ് മാനേജിംഗ് ഡയറക്ടർക്ക് നൽകിയ പരാതിയുടെ അടിസ്ഥാനത്തിൽ സൗത്ത് സോൺ ചീഫ് എഞ്ചിനീയർ നൽകിയ പ്രാഥമിക റിപ്പോർട്ടിന്റെ അടിസ്ഥാനത്തിലാണ് സസ്പെൻഷൻ.
ബാബുജാൻ ചീത്ത വിളിച്ചതിലും കയ്യേറ്റം ചെയ്തതിലും മനം നൊന്താണ് തന്റെ ആത്മഹത്യശ്രമമെന്ന് ബിജുമോൻ സമൂഹമാധ്യമങ്ങളിൽ ശബ്ദ സന്ദേശം അയച്ചിരുന്നു.
ബാബുജാനെതിരെ നടപടി ആവശ്യപ്പെട്ട് കഴിഞ്ഞ അഞ്ചുദിവസമായി വിവിധ സംഘടനകളുടെ സംയുക്ത ആഭിമുഖ്യത്തിൽ സമരം നടന്നുവരികയായിരുന്നു.പാല ഇലക്ട്രിക്കൽ ഡിവിഷൻ എക്സിക്യൂട്ടീവ് എഞ്ചിനീയറുടെ ചാർജ് ഇലക്ട്രിക്കൽ സർക്കിളിലെ പ്രോജക്ട് മാനേജ്മെന്റ് യൂണിറ്റ് എക്സിക്യൂട്ടീവ് എഞ്ചിനീയർ പി ബി അലിക്ക് കൈമാറി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.