പ്രവാസി മലയാളികൾക്ക് ഏറെ പ്രിയപ്പെട്ട സീനിയർ നഴ്സ് മറിയാമ്മ ജോർജ് ജോർജ് നിര്യാതയായി

ദോഹ: ഹമദ് മെഡിക്കൽ കോർപറേഷൻ ആ​ശുപത്രിയിൽ നഴ്സായി ജോലിചെയ്തിരുന്ന പ്രവാസി മലയാളി ആലപ്പുഴ ചെങ്ങന്നൂർ സ്വദേശിനി എടവത്തറ പീടികയിൽ വീട്ടിൽ മറിയാമ്മ ജോർജ് (54) ഖത്തറിൽ നിര്യാതയായി.

17 വർഷത്തിലേറെയായി ഹമദ് ആശുപത്രിയിലുള്ള മറിയാമ്മ ജോർജ് ഹമദ് വിമൻസ് ​ആശുപത്രി പ്രസവവാർഡിൽ ജോലിചെയ്ത് വരികയായിരുന്നു. ഏതാനും ദിവസങ്ങൾക്ക് മുമ്പ് അർബുദബാധ സ്ഥിരീകരിച്ച് ചികിത്സയിലിരിക്കെ ഹൃദയാഘാതത്തെ തുടർന്നായിരുന്നു അന്ത്യം. 

ഭർത്താവ് ഫിലിപ് മാത്യു ഖത്തറിലുണ്ട്. മകൾ : സാറാ മറിയം ഫിലിപ്പ്. നടപടിക്രമങ്ങൾ പൂർത്തിയാക്കിയ ശേഷം മൃതദേഹം നാട്ടിലേക്ക് കൊണ്ടുപോകുമെന്ന് സഹപ്രവർത്തകരും ബന്ധുക്കളും അറിയിച്ചു. നിര്യാണത്തിൽ ഖത്തറിലെ നഴ്സിങ് സംഘടനകളായ ഫിൻക്യൂ, യുനീക് എന്നിവർ അനുശോചിച്ചു.