ഒരേകാലത്ത് സഞ്ചരിച്ച ഉമ്മൻചാണ്ടിയുടെ വിടപറയൽ വേദനാ ജനകമെന്ന് മുഖ്യമന്ത്രി പിണറായി വിജയൻ'ആദര സൂചകമായി ഇന്ന് പൊതുഅവധി പ്രഖ്യാപിച്ചു'രണ്ടുദിവസത്തെ ഔദ്യോഗിക ദുഃഖാചരണവും സർക്കാർ പ്രഖ്യാപിച്ചു.

തിരുവനന്തപുരം: മുൻ മുഖ്യമന്ത്രിയും കോൺഗ്രസിന്റെ മുതിർന്ന നേതാവുമായ ഉമ്മൻചാണ്ടിയുടെ വിയോഗത്തിൽ ദുഃഖം രേഖപ്പെടുത്തി മുഖ്യമന്ത്രി പിണറായി വിജയൻ. പൊതുജീവിതത്തിൽ ഒരേ കാലത്ത് സഞ്ചരിച്ച അദ്ദേഹത്തിന്റെ വിടപറയൽ അതീവ ദുഃഖകരമാണെന്ന് പിണറായി വിജയൻ പറഞ്ഞു.

ഒരേ വർഷമാണ് തങ്ങൾ ഇരുവരും നിയമസഭയിൽ എത്തിയത്. ഒരേ ഘട്ടത്തിലാണ് വിദ്യാർത്ഥി ജീവിതത്തിലൂടെ രാഷ്ട്രീയ രംഗത്തെത്തിയത്. പൊതുജീവിതത്തിൽ ഒരേ കാലത്ത് സഞ്ചരിച്ച അദ്ദേഹത്തിന്റെ വിട പറയൽ അതീവ ദുഃഖകരമാണ്. കഴിവുറ്റ ഭരണാധികാരിയും ജനജീവിതത്തിൽ ഇഴുകിച്ചേർന്നു നിന്ന വ്യക്തിയുമായിരുന്നു ഉമ്മൻചാണ്ടി എന്ന് മുഖ്യമന്ത്രി അനുസ്മരിച്ചു.

ബംഗളുരുവിലെ ചിന്മയ ആശുപത്രിയിൽ ഇന്ന് പുലർച്ചെ 4.30 ഓടെയായിരുന്നു ഉമ്മൻചാണ്ടി വിടപറഞ്ഞത്. മകൻ ചാണ്ടി ഉമ്മനാണ് ഫെയ്സ്ബുക്കിലൂടെ മരണ വാർത്ത അറിയിച്ചത്. തൊണ്ടയിലെ അർബുദ ബാധയെ തുടർന്ന് ചികിത്സയിലായിരുന്നു. 

ചികിത്സയിലിരിക്കെ ന്യൂമോണിയ ബാധിച്ചതാണ് അദ്ദേഹത്തിൻറെ ആരോഗ്യസ്ഥിതി നേരത്തെ വഷളാക്കിയത്.ഉച്ചയ്ക്ക് രണ്ടുമണിയോടെ ഭൗതിക ശരീരംതിരുവനന്തപുരത്ത് എത്തിക്കും.ആദര സൂചകമായി ഇന്ന് പൊതുഅവധി പ്രഖ്യാപിച്ചു'രണ്ടുദിവസത്തെ ഔദ്യോഗിക ദുഃഖാചരണവും സർക്കാർ പ്രഖ്യാപിച്ചു.

രാഹുൽ ​ഗാന്ധി, സോണിയാ​ഗാന്ധി തുടങ്ങിയ ഉന്നത കോൺ​ഗ്രസ് നേതാക്കൾ ഉടൻ എത്തും. ഉമ്മൻചാണ്ടിയുടെ സ്വന്തമായ  പുതുപ്പള്ളിയിലായിരിക്കും സംസ്കാരം.