വണ്ടൂർ (മലപ്പുറം) ⚫ വണ്ടൂർ വാണിയമ്പലത്ത് കാറും ബൈക്കും കൂട്ടിയിടിച്ച് ബൈക്കിന്റെ പിറകിൽ യാത്ര ചെയ്യുകയായിരുന്ന യുവാവിന്റെ കാൽ റോഡിൽ അറ്റു വീണു.
വെള്ളാമ്പുറം കുന്നത്ത് കുഴി അരുൺജിത്തിന്റെ വലതു കാലാണ് കൂട്ടിയിടിൽ റോഡിൽ അറ്റുവീണത്. ബുധനാഴ്ച ഉച്ചക്ക് ഒന്നരയോടെ വാണിയമ്പലം - അമരമ്പലം റോഡിലെ മാട്ടക്കുളത്ത് വെച്ചാണ് അപകടം. വാണിയമ്പലം ഭാഗത്തേക്ക് വരികയായിരുന്ന കാർ എതിർ ദിശയിലേക്ക് പോവുകയായിരുന്ന ബൈക്കുമായി കൂട്ടിയിടിക്കുകയായിരുന്നു.
പരുക്കേറ്റ അരുൺജിത്ത് ബൈക്കിന്റെ പിറകിലായിരുന്നു ഇരുന്നതിന്. സുഹൃത്ത് വിപിൻ ആണ് ബൈക്ക് ഓടിച്ചിരുന്നത്. അപകടത്തിൽ അരുൺജിത്തിന്റെ വലത് കാൽ മുട്ടിന് താഴെ അറ്റു വീണു. ഉടൻ നാട്ടുകാരും വണ്ടൂരിലെ ട്രോമാ കെയർ പ്രവർത്തകരായ ശാഹുൽ ഹമീദ്, എം അസൈൻ, മണികണ്ഠകുമാർ എന്നിവരും ചേർന്ന് വണ്ടൂർ നിംസ് ആശുപത്രിയിലും, തുടർന്ന് പെരിന്തൽമണ്ണ അൽഷിഫ ആശുപത്രിയിലും എത്തിച്ചു.
നിലമ്പൂരിൽ എ സി മെക്കാനിക്ക് ആണ് 21 കാരനായ അരുൺജിത്ത്. കരുളായി സ്വദേശിയാണ് കാർ ഓടിച്ചിരുന്നത്. കാർ നിയന്ത്രണം വിടാനുള്ള കാരണം വ്യക്തമായിട്ടില്ല. സംഭവത്തിൽ അന്വേഷണം ആരംഭിച്ചതായി വണ്ടൂർ പോലീസ് അറിയിച്ചു
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.