കാട്ടാക്കട ആൾമാറാട്ട കേസ് പ്രതി വിശാഖ് കീഴടങ്ങി. കാട്ടാക്ക പോലീസ് സ്‌റ്റേഷനിലാണ് വിശാഖ് കീഴടങ്ങിയത്.

തിരുവനന്തപുരം :കാട്ടാക്കട ആൾമാറാട്ട കേസ് പ്രതി വിശാഖ് കീഴടങ്ങി. കാട്ടാക്ക പോലീസ് സ്‌റ്റേഷനിലാണ് വിശാഖ് കീഴടങ്ങിയത്.

കാട്ടാക്കട ക്രിസ്ത്യൻ കോളജിലെ ആൾമാറാട്ട കേസിൽ പ്രതികൾക്ക് അന്വേഷണ ഉദ്യോഗസ്ഥന് മുന്നിൽ ഹാജരാകാനുള്ള സമയപരിധി ഇന്ന് അവസാനിക്കാനിരിക്കെയാണ് വിശാഖ് കീഴടങ്ങിയത്. കേസിലെ ഒന്നാം പ്രതി വിശാഖ്, രണ്ടാം പ്രതി കോളജ് മുൻ പ്രിൻസിപ്പൽ ജി ജെ ഷൈജു എന്നിവരാണ് ഹാജരാകേണ്ടത്.

ഇരുവരുടെയും ജാമ്യാപേക്ഷ നേരത്തെ കോടതി തള്ളിയിരുന്നു. കോളജ് തെരഞ്ഞെടുപ്പിൽ മത്സരിച്ച് ജയിച്ച വിദ്യാർഥിനിക്ക് പകരം തെരഞ്ഞെടുപ്പിൽ മത്സരിക്കാൻ യോഗ്യതയില്ലാത്ത വിശാഖിന്റെ പേരാണ് സർവകലാശാലക്ക് പ്രിൻസിപ്പൽ കൈമാറിയത്.

സംഭവം പുറത്തായതോടെ വിശാഖിനെയും പ്രിൻസിപ്പലിനെയും സസ്‌പെൻഡ് ചെയ്തിരുന്നു. പിന്നാലെയാണ് ഇരുവരും മുൻകൂർ ജാമ്യാപേക്ഷ നൽകിയത്.