പാരിസ് : കൗമാരക്കാരനെ പൊലീസ് വെടിവച്ച് കൊന്നതില് പ്രതിഷേധിച്ച് ഫ്രാന്സില് കലാപം കത്തിപ്പടരുന്നു പൊലീസും കലാപകാരികളും നേര്ക്കുനേര് പോരാട്ടം തുടരുകയാണ്.
.jpeg)
കിഴക്കന് ഫ്രാന്സിലെ മെറ്റ്സില് ഒരു ലൈബ്രറി കെട്ടിടത്തിന് കലാപകാരികള് തീയിട്ടു. പ്രക്ഷോഭകാരികള് പൊലീസ് വാഹനങ്ങളും വ്യാപാര സ്ഥാപനങ്ങളും തീയിട്ട് നശിപ്പിച്ചതായും ബാങ്കുകള് കൊള്ളയടിച്ചതായും അന്താരാഷ്ട്ര മാധ്യമങ്ങള് റിപ്പോര്ട്ട് ചെയ്യുന്നു.
ഇതിനിടെ കലാപത്തില് കൊല്ലപ്പെട്ട പതിനേഴുകാരന്റെ മൃതദേഹം വന് ജനാവലിയുടെ സാന്നിധ്യത്തില് സംസ്കരിച്ചു. അള്ജീരിയന്-മൊറോക്കന് വംശജനായ നയെല് എന്ന പതിനേഴുകാരനെയാണ് വാഹനപരിശോധനയ്ക്കിടെ പൊലീസ് അകാരണമായി വെടിവെച്ച് കൊലപ്പെടുത്തിയത്.
.jpeg)
ഇതോടെ നിയന്ത്രണം വിട്ട് കാര് ഇടിച്ചുനിന്നു. കാറില് 2 സഹൃത്തുക്കളും ഉണ്ടായിരുന്നു. പൊലീസിന് നേരെ നയെല് വാഹനമോടിച്ച് കയറ്റാന് ശ്രമിച്ചുവെന്നായിരുന്നു ആരോപണം. എന്നാല് സിസിടിവി ദൃശ്യങ്ങള് പുറത്തുവന്നതോടെ ഈ വാദം പൊളിഞ്ഞു. നയെലിനെതിരെ വെടിയുതിര്ത്ത പൊലീസുകാരനെതിരെ കൊലപാതകത്തിന് കേസെടുത്തിട്ടുണ്ട്.
അതേസമയം, കലാപം രൂക്ഷമായതോടെ ജര്മന് സന്ദര്ശനം റദ്ദാക്കിയ പ്രസിഡന്റ് ഇമ്മാനുവെല് മക്രോണ് സാഹചര്യം ചര്ച്ച ചെയ്യാന് ഉന്നത പൊലീസ് ഉദ്യോഗസ്ഥരുടെ യോഗം വിളിച്ചു ചേര്ത്തു. സംഭവത്തിലെ അന്വേഷണ റിപ്പോര്ട്ട് പുറത്തുവരുന്നത് വരെ ശാന്തരാകണമെന്നും പ്രതിഷേധം അവസാനിപ്പിക്കണമെന്ന് മക്രോണ് ആവശ്യപ്പെട്ടു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.