മുണ്ടക്കയത്ത് 17 ടാപ്പിംഗ് തൊഴിലാളികൾ മലവെള്ളപാച്ചിലിൽ പെട്ടു.

കോട്ടയം :മുണ്ടക്കയത്ത് ടാപ്പിംഗ് തൊഴിലാളികൾ മലവെള്ളപാച്ചിലിൽ പെട്ടു. മുണ്ടക്കയം ചെന്നാപ്പാറ ടി ആർ& ടി എസ്റ്റേറ്റിലെ 17 തൊഴിലാളികളാണ് ഇന്നലെ വൈകുന്നേരം മലവെള്ളപ്പാച്ചിലിൽ പെട്ടത്.

ടാപ്പിംഗിനായി എസ്റ്റേറ്റിലേക്ക് പോയ തൊഴിലാളികൾ തോട്ടം മേഖലയിൽ കുടുങ്ങുകയായിരുന്നു മണിമലയാറിന്റെ കൈത്തൊടുകളിൽ ക്രമാതീതമായി ജലാനിരപ്പ് ഉയരുകയും പ്രദേശം വലിയ രീതിയിലുള്ള വെള്ളമൊഴുക്കിലേക്ക് നീങ്ങുകയുമായിരുന്നു.

നാട്ടുകാർ വടം കെട്ടി തൊഴിലാളികളെ മാറുകരയിൽ എത്തിച്ചു രക്ഷപെടുത്തി കോട്ടയം മുണ്ടക്കയം ഇടുക്കി മേഖലകളിൽ കേന്ദ്ര ജലക്കമീഷന്റെ ജാഗ്രതാ നിർദ്ദേശം നിലവിലുണ്ട് മീനച്ചിലാർ മണിമലയാർ തീരങ്ങളിൽ താമസിക്കുന്നവർ ജാഗ്രത പാലിക്കണമെന്ന് കോട്ടയം ജില്ലാ കളക്ടർ വി വിഘനേശ്വരി അറിയിച്ചു