മനസാക്ഷിയും നീതിബോധവും പൗരബോധവും ഉള്ള മികച്ച ഒരു പൊതുപ്രവർത്തകൻ ആയിരുന്നു ഉമ്മൻചാണ്ടി ; പി.സി ജോർജ്

പൂഞ്ഞാർ:കേരളം കണ്ട ഏറ്റവും മികച്ച ഭരണാധികാരിയായിരുന്നു ഉമ്മൻ ചാണ്ടിയെന്ന് കേരള ജനപക്ഷം സെക്യുലർ ചെയർമാൻ പി.സി ജോർജ്.

ജനങ്ങൾക്കിടയിൽ ജീവിച്ച ജനകീയനായ നേതാവെന്ന നിലയിൽ ഉമ്മൻ ചാണ്ടിയുടെ വിയോഗത്തിൽ അദ്ദേഹത്തിന്റെ കുടുംബത്തോടൊപ്പം പൊതുസമൂഹത്തോടും ദുഃഖം രേഖപ്പെടുത്തുന്നു.

മുഖ്യമന്ത്രിയായിരുന്ന കാലഘട്ടത്തിൽ ഉമ്മൻ ചാണ്ടി നടപ്പിലാക്കിയ ജനസമ്പർക്ക പരിപാടി കൊണ്ട് ലക്ഷക്കണക്കിന് ജനങ്ങൾക്കുണ്ടായ സഹായം മികച്ച ഭരണാധികാരിയെന്ന നിലയിൽ അദ്ദേഹത്തിന്റെ എടുത്തു പറയത്തക്ക നേട്ടങ്ങളിൽ ഒന്നാണെന്നും പിസി ജോർജ് അനുസ്മരിച്ചു.