പാറ്റ്ന: ബിഹാറിലെ ദർഭംഗയിൽ ക്ലാസുകളിലേക്ക് മൊബൈൽ ഫോണുമായി പോകുന്നതിൽ നിന്ന് സ്കൂൾ അധ്യാപകർക്ക് വിലക്ക്. മൊബൈൽ ഫോണുകൾ സ്വിച്ച് ഓഫാക്കി പ്രിൻസിപ്പലിനെ ഏൽപിച്ചിട്ടു ക്ലാസുകളിലേക്ക് പോകണമെന്നാണ് നിർദേശം. ബ്ലോക്ക് വിദ്യാഭ്യാസ ഓഫിസറുടേതാണ് ഉത്തരവ്.
ജോലി സമയത്ത് അധ്യാപകർ അമിതമായി മൊബൈൽ ഫോൺ ഉപയോഗിക്കുന്നതായി കണ്ടെത്തിയതിനെ തുടർന്നാണ് വിലക്ക്. സ്കൂളുകളിൽ വിദ്യാഭ്യാസ ഓഫിസർമാർ നടത്തിയ മിന്നൽ പരിശോധനകളിലാണ് മൊബൈൽ ഉപയോഗത്തിനെടിരെ നടപടി വേണമെന്ന് കണ്ടെത്തിയത്.
സ്കൂൾ പ്രിൻസിപ്പൽമാർക്കെല്ലാം ഉത്തരവ് കൈമാറിയിട്ടുണ്ട്. അടിയന്തര കാര്യങ്ങൾ അറിയിക്കണമെങ്കിൽ അധ്യാപകരുടെ കുടുംബാംഗങ്ങൾക്ക് പ്രിൻസിപ്പലിനെ വിളിക്കാം.
ഉത്തരവ് ലംഘിച്ച് മൊബൈൽ ഉപയോഗിക്കുന്നവരുടെ ആ ദിവസത്തെ ശമ്പളം കുറയ്ക്കുമെന്നും ഉത്തരവിൽ വ്യക്തമാക്കിയിട്ടുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.