പത്തനംതിട്ട;ശബരിമലയിൽ ഈ വർഷത്തെ മിഥുനമാസ പൂജകൾക്ക് തുടക്കമായി ഇന്നലെ പുലർച്ചെയാണ് ചടങ്ങുകൾ ആരംഭിച്ചത്. പുലർച്ചെ 4.30-ന് ദേവനെ പള്ളിയുണർത്തിയതോടെ മിഥുനമാസ പൂജകൾ ആരംഭിക്കുകയായിരുന്നു.
തുടർന്ന് പതിവ് നിർമ്മാല്യ ദർശനവും, വിവിധ അഭിഷേകങ്ങളും നടന്നു. തന്ത്രിയുടെ കാർമികത്വത്തിൽ കിഴക്കേ മണ്ഡപത്തിൽ ഗണപതിഹോമം നടത്തി.അയ്യപ്പ വിഗ്രഹത്തിൽ നെയ്യഭിഷേകവും, നിശ്ചിത എണ്ണം അഷ്ടാഭിഷേകവും
നടത്തി. ഉഷ പൂജക്ക് ശേഷം രാവിലെ 8 മണി മുതലാണ് കുട്ടികൾക്കുള്ള ചോറൂൺ നൽകൽ ആരംഭിച്ചത്. കിഴക്കേ മണ്ഡപത്തിലെ ബലിക്കൽ പുരയിലാണ് ചോറൂണ് നടന്നത്.
വൈകിട്ട് 5 മണിക്കാണ് നട തുറന്നത്. 6.30ന് ദീപാരാധന നടത്തുകയും, തുടർന്ന് പടിപൂജയും പുഷ്പഭിഷേകവും ആരംഭിച്ചു. അത്താഴപൂജക്ക് ശേഷം രാത്രി 10 മണിക്കാണ് നട അടച്ചത്. മിഥുനമാസ പൂജകൾക്കായി ജൂൺ 15ന് തുറന്ന തിരുനട ജൂൺ 20നാണ് അടയ്ക്കുക. ഈ വേളയിൽ ഒട്ടനവധി ഭക്തജനങ്ങളാണ് ശബരിമലയിലേക്ക് എത്തിച്ചേരുന്നത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.