കോട്ടയം;ആരോഗ്യ പ്രവർത്തകരുടെ നേരെ കയ്യേറ്റ ശ്രമം നടത്തിയ കേസിൽ യുവാവിനെ പൊലീസ് അറസ്റ്റ് ചെയ്തു. മണിമല വെള്ളാവൂർ സ്വദേശി തെക്കേക്കര വീട്ടിൽ മനീഷ് ടി സി (38) എന്നയാളെയാണ് മണിമല പൊലീസ് അറസ്റ്റ് ചെയ്തത്.
ഇയാൾ കഴിഞ്ഞ ദിവസം വെള്ളാവൂർ പ്രാഥമികആരോഗ്യ കേന്ദ്രത്തിൽ എത്തി വനിതാ നേഴ്സിനെയും, അസിസ്റ്റന്റിനെയും അസഭ്യം പറയുകയും, ഭീഷണിപ്പെടുത്തുകയും കയ്യേറ്റം ചെയ്യാൻ ശ്രമിക്കുകയുമായിരുന്നു.
തന്റെ കുട്ടിയുമായി പ്രാഥമിക ആരോഗ്യ കേന്ദ്രത്തിലെത്തിയ ഇയാളോട് ഒ പി യിൽ നല്ല തിരക്ക് ആയതിനാലും, ഒരു ഡോക്ടർ മാത്രമുള്ളതിനാലും അല്പം വെയ്റ്റ് ചെയ്യണമെന്ന് ജീവനക്കാർ പറഞ്ഞു. തുടർന്ന് ഇവിടെ നിന്നും മടങ്ങിയ ഇയാൾ ഉച്ചയോടു കൂടി വീണ്ടും തിരികെയെത്തി വനിതാ നേഴ്സിനെയും, അസിസ്റ്റന്റിനെയും ചീത്തവിളിക്കുകയും ഭീഷണിപ്പെടുത്തുകയും കയ്യേറ്റം ചെയ്യാൻ ശ്രമിക്കുകയുമായിരുന്നു.
വനിതാ ജീവനക്കാരുടെ ഫോട്ടോയും വീഡിയോയും ഇയാൾ തന്റെ ഫോണിൽ പകർത്തുകയും ചെയ്തു. പരാതിയെ തുടർന്ന് മണിമല പൊലീസ് കേസ് രജിസ്റ്റർ ചെയ്യുകയും ഇയാളെ പിടികൂടുകയുമായിരുന്നു. ഇയാളെ കോടതിയിൽ ഹാജരാക്കി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.