വൈഎസ്ആർ കോൺഗ്രസിന്റെ ഭരണം അവസാനിപ്പിക്കുക എന്ന ലക്ഷ്യത്തോടെ ജൂൺ 14 ന് വരാഹി യാത്രയുമായി സിനിമ താരം പവൻ കല്യാൺ

തെലങ്കാന;വരുന്ന നിയമസഭാ തിരഞ്ഞെടുപ്പിൽ മത്സരിക്കാൻ സിനിമ താരം പാവനകല്യാണിന്റെ നേതൃത്വത്തിൽ ജനസേന പാർട്ടി തയ്യാറെടുക്കുന്നു.പാർട്ടി നേതാക്കളുമായി കൂടിക്കാഴ്ച നടത്തിയ ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.

തെലങ്കാനയിലെ ഇരുപത്തിയാറു മണ്ഡലങ്ങളുടെ ചുമതല ഏറ്റെടുത്തതായും നേതാക്കളുമായി കൂടിക്കാഴ്ച നടത്തി ഇലക്ഷന് തയ്യാറെടുക്കാൻ തീരുമാനിച്ചതായും പവൻ കല്യാൺ പറഞ്ഞു.

തെലങ്കാന സംസ്ഥാനത്തിന്റെ അഭിലാഷങ്ങൾ നിറവേറ്റാൻ ജെഎസ്പി പ്രവർത്തിക്കുമെന്ന് പവൻ കല്യാൺ പറഞ്ഞു. 1,300 രക്തസാക്ഷികളാണ് തെലങ്കാനയ്ക്കുവേണ്ടി ജീവൻ ബലിയർപ്പിച്ചതെന്നും പ്രത്യേക സംസ്ഥാനം നേടിയെടുത്തെങ്കിലും അവരുടെ പ്രതീക്ഷകൾ സഫലമായില്ലെന്നും അദ്ദേഹം പറഞ്ഞു. 

ഇത്രയധികം പുതുമുഖങ്ങൾക്ക് ഒരു പാർട്ടിയും അവസരം നൽകിയിട്ടില്ലെന്ന് പറഞ്ഞ അദ്ദേഹം മണ്ഡലം ഭാരവാഹികളോട് അവസരം പ്രയോജനപ്പെടുത്താൻ ആവശ്യപ്പെട്ടു.

തെലങ്കാനയിൽ തന്റെ പ്രത്യേക പ്രചാരണ വാഹനമായ 'വരാഹി'യിൽ ഉടൻ പ്രചാരണം നടത്തുമെന്ന് പവൻ കല്യാൺ ജെഎസ്പി നേതാക്കളോട് പറഞ്ഞു. തെലങ്കാനയിൽ ജെഎസ്പി തെരഞ്ഞെടുപ്പിൽ മത്സരിക്കുമെന്ന് കഴിഞ്ഞ വർഷം മേയിൽ പവൻ കല്യാൺ പ്രഖ്യാപിച്ചിരുന്നു. 

സംസ്ഥാനത്തെ 20 ശതമാനം മണ്ഡലങ്ങളിലും പാർട്ടി സ്ഥാനാർത്ഥികളെ നിർത്തിയേക്കുമെന്നും എന്നാൽ സീറ്റുകളുടെ എണ്ണത്തെക്കുറിച്ചോ മറ്റ് പാർട്ടികളുമായുള്ള സഖ്യത്തെക്കുറിച്ചോ പാർട്ടിയിൽ ചർച്ച ചെയ്ത ശേഷം അന്തിമ തീരുമാനമെടുക്കുമെന്നും അദ്ദേഹം പറഞ്ഞു.

119 അംഗ തെലങ്കാന നിയമസഭയിലേക്കുള്ള തിരഞ്ഞെടുപ്പ് ഈ വർഷം നവംബർ-ഡിസംബർ മാസങ്ങളിൽ നടക്കും. അതേസമയം, പ്രശസ്ത ചലച്ചിത്ര നിർമ്മാതാവ് ബിവിഎസ്എൻ പ്രസാദ് തിങ്കളാഴ്ച പവൻ കല്യാണിന്റെ സാന്നിധ്യത്തിൽ ജെഎസ്പിയിൽ ചേർന്നു,

പവൻ കല്യാൺ നായകനായ "അത്താരിന്റിക്കി ദാരേദി" യുടെ നിർമ്മാതാവായിരുന്നു പ്രസാദ്. ശ്രീ വെങ്കിടേശ്വര സിനി ചിത്രയുടെ ബാനറിൽ അദ്ദേഹം നിരവധി സിനിമകൾ നിർമ്മിച്ചിട്ടുണ്ട്.

തിങ്കളാഴ്ച മംഗളഗിരിയിലെ ജെഎസ്പി ഹെഡ് ഓഫീസിൽവെച്ച് നടന്ന മതപരമായ ചടങ്ങുകളിൽ പവൻ കല്യാൺ പങ്കെടുത്തു. വൈഎസ്ആർ കോൺഗ്രസ് പാർട്ടിയുടെ ഭരണം അവസാനിപ്പിക്കുക എന്ന ലക്ഷ്യത്തോടെ ജൂൺ 14 ന് വരാഹി യാത്ര ആരംഭിക്കുകയാണന്നും കല്യാൺ പറഞ്ഞു