റിയാദ്: സൗദിയിൽ ക്രൂഡ് ഓയിൽ ടാങ്ക് വെൽഡ് ചെയ്യുന്നതിനിടെയുണ്ടായ അപകടത്തിൽ മലയാളി മരിച്ചു. ആലപ്പുഴ മാവേലിക്കര സ്വദേശി മാങ്കാംകുഴി സ്വദേശി പാറക്കാട്ട് ഫിലിപ് ജോർജ് എന്ന ഇബ്രാഹീം ഫിലിപ്പ് (55) ആണ് ദാരുണമായി മരിച്ചത്.
ഓയിൽ ടാങ്കിന്റെ ചോർച്ച അടക്കുന്നതിന്റെ ഭാഗമായി വെൽഡ് ചെയ്യുന്നതിനിടെയാണ് ദാരുണമായ അപകടം. റിയാദിനടുത്ത മുസാഹ്നിയയിൽ വ്യാഴാഴ്ചയാണ് സംഭവം. യമാമ കമ്പനിയിലെ ഗാരേജിലെ വെൽഡറായിരുന്നു ഇദ്ദേഹം. അറാംകോയിൽ നിന്ന് ക്രൂഡ്ഓയിൽ കൊണ്ടുവരുന്ന ടാങ്കർ ചോർച്ചയെ തുടർന്ന് വർക്ക് ഷോപ്പിലെത്തിച്ചതായിരുന്നു.
വെൽഡ് ചെയ്യാൻ കട്ട് ചെയ്യുന്നതിനിടെ സ്ഫോടനമുണ്ടാവുകയും ഇദ്ദേഹം തെറിച്ചുപോകുകയുമായിരുന്നുവെന്ന് ദൃസാക്ഷികൾ പറഞ്ഞു. ബിൽഡിംഗിന്റെ മുകളിലേക്ക് തെറിച്ച ഇദ്ദേഹത്തിന്റെ മൃതദേഹം പോലീസെത്തിയാണ് പുറത്തെടുത്തത്. മൃതദേഹം മുസാഫിയ ആശുപത്രിയിലാണ്. ഭാര്യയും രണ്ടു മക്കളുമുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.