ഇടുക്കി ലോകസഭാ മണ്ഡലത്തെ പ്രതിനിധീകരിച്ച് ഭോപ്പാലിൽ നടക്കുന്ന ബിജെപി ദേശീയ ശിബിരത്തിൽ പങ്കെടുക്കുന്നതിനായി പുറപ്പെട്ട നേതാക്കൾക്ക് യാത്ര അയപ്പ് നൽകി

തൊടുപുഴ :പ്രധാനമന്ത്രി നരേന്ദ്ര മോദിയടക്കം ദേശീയ നേതാക്കൾ മാർഗനിർദേശം നൽകുന്ന ഭോപ്പാലിൽ വെച്ച് നടക്കുന്ന രണ്ടുദിവസത്തെ ശിബിരത്തിലും,

തുടർന്ന് ഡിസംബറിൽ നിയമസഭാ തിരഞ്ഞെടുപ്പ് നടക്കുന്ന തെലുങ്കാനയിൽ ബൂത്ത് ശാക്തീകരണ പ്രവർത്തനങ്ങളിലും പങ്കാളികളാകുന്നതിനുവേണ്ടി

ഇടുക്കി ലോകസഭാ മണ്ഡലത്തെ പ്രതിനിധീകരിച്ച് ഇന്നലെ യാത്ര തിരിച്ച നേതാക്കളെ ബിജെപിജില്ലാ കമ്മറ്റി ഓഫീസിൽ നിന്നും ഇടുക്കി ജില്ലാ അദ്ധ്യക്ഷൻ കെ.എസ് അജിയുടെ നേതൃത്വത്തിൽ യാത്ര അയപ്പ് നൽകി.

എറണാകുളത്ത് നിന്ന് യാത്ര പുറപ്പെടും മുൻപ് എറണാകുളം ജില്ലാ ജന.സെക്രട്ടറി ബസിത് കുമാറിൻ്റെ നേതൃത്വത്തിലും അംഗങ്ങളെ ഷാളണിയിച്ച് യാത്രയാക്കി. പതിനഞ്ചു ദിവസത്തോളം നീണ്ടുനിൽക്കുന്ന ശിബിരത്തിൽ കേരളത്തിൽ നിന്ന് നിരവധി നേതാക്കൾ പങ്കെടുക്കും.