കോട്ടയം :പത്ത് ലക്ഷം രൂപയുടെ മുദ്രാ ലോണ് തരപ്പെടുത്താമെന്ന് പറഞ്ഞ് കോട്ടയത്ത് റെയില്വേ ജീവനക്കാരിയില് നിന്ന് യുവാവ് തട്ടിയെടുത്തത് മൂന്നേമുക്കാല് ലക്ഷം രൂപ.
മുപ്പത് വയസുകാരനായ പാലക്കാട് ചാലവര സ്വദേശി ആബിദ് ആണ് റെയില്വേ പൊലീസിന്റെ പിടിയിലായത്. കോട്ടയം റെയില്വെ സ്റ്റേഷനിലെ വെയിറ്റിങ് റൂമില് ജോലി ചെയ്യുന്ന വനിതാ ജീവനക്കാരിയില് നിന്നാണ് ആബിദ് മൂന്ന് ലക്ഷത്തി എഴുപതിനായിരം രൂപ തട്ടിയത്.
പ്രധാനമന്ത്രി മുദ്രാ ലോണ് വഴി പത്ത് ലക്ഷം തരപ്പെടുത്താമെന്നായിരുന്നു പ്രതിയുടെ വാഗ്ദാനം. പണം നല്കി കാലം കുറേ കഴിഞ്ഞിട്ടും വായ്പ കിട്ടാതായതോടെ ജീവനക്കാരി പണം തിരികെ ചോദിച്ചു. അപ്പോഴും ആബിദ് തട്ടിപ്പ് തുടര്ന്നു.
ചെര്പ്പുളശേരി, ഷൊര്ണൂര്, തൃശൂര്, തിരുവനന്തപുരം മേഖലകളില് നിന്നെല്ലാം തൊഴില് വാഗ്ദാനം ചെയ്തും വായ്പ വാഗ്ദാനം ചെയ്തും പണം തട്ടിയതിന് ആബിദിനെതിരെ പരാതികളുണ്ടെന്ന് ആര്പിഎഫ് അറിയിച്ചു.
കിട്ടുന്ന പണത്തില് കൂടുതലും ഓണ്ലൈന് റമ്മി കളിക്കാനാണ് ഉപയോഗിച്ചിരുന്നതെന്നാണ് പൊലീസ് പറയുന്നത്. പത്താം ക്ലാസ് പോലും പാസാകാത്ത ആബിദ് സിവില് എന്ജിനീയര് ആണെന്ന് പറഞ്ഞായിരുന്നു ആളുകളെ പറ്റിച്ചിരുന്നത്.
കോയമ്പത്തൂരില് നിന്നാണ് കോട്ടയം റെയില്വെ പൊലീസ് ആബിദിനെ അറസ്റ്റ് ചെയ്തത്
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.