ചീറ്റപ്പുലികള്‍ തമ്മില്‍ ഏറ്റുമുട്ടി; കുനോ നാഷണൽ പാർക്കിലെ ചീറ്റ ദക്ഷ ചത്തു

മധ്യപ്രദേശ്: ഇന്ത്യയിലെത്തിച്ച ദക്ഷിണാഫ്രിക്ക ചീറ്റ പുലികളിൽ ഒന്ന് കൂടി ചത്തു. ദക്ഷ എന്നു പേരിട്ട പെൺ ചീറ്റയാണ് കുനോ നാഷണൽ പാർക്കിൽ ചത്തത്. 

മറ്റു ചീറ്റകളുമായി ഏറ്റുമുട്ടി മാരകമായി മുറിവേറ്റതാണ് മരണ കാരണം.  വായു, അഗ്നി എന്നി പേരുകളിലുള്ള ആണ്‍ചീറ്റകളുമായിട്ടാണ് ദക്ഷ ഏറ്റുമുട്ടിയത്. 

മൂന്ന് മാസത്തിനിടെ ഇത് മൂന്നാം വട്ടമാണ് മറ്റൊരു ചീറ്റകൂടി ചാകുന്നത്. മാര്‍ച്ചിലും ഏപ്രിലിലുമായി സാഷ, ഉദയ് എന്നിങ്ങനെ പേരുകളുള്ള ചീറ്റകള്‍ അസുഖബാധിതരായി ചത്തിരുന്നു. വൃക്കസംബന്ധമായ രോഗം മൂലമാണ് സാഷ ചത്തത്.  ഹൃദയസംബന്ധമായ രോഗം ബാധിച്ചാണ് മൂലമാണ് ഉദയ് ചത്തത്. 

Female cheetah 'Daksha' dies in MP's Kuno National Park: Forest official; 3rd fatality in around 40 days

— Press Trust of India (@PTI_News) May 9, 2023

ദക്ഷിണാഫ്രിക്കയിൽ നിന്നെത്തിച്ച എട്ട് ചീറ്റകളിൽ രണ്ടെണ്ണം അസുഖം ബാധിച്ച് നേരത്തെ ചത്തിരുന്നു. ജൂണില്‍ മൂന്ന് പെണ്‍ചീറ്റകളെയും രണ്ടു ആണ്‍ചീറ്റകളെയും വനത്തിലേക്ക് തുറന്നുവിടുമെന്ന് കേന്ദ്ര പരിസ്ഥിതി മന്ത്രാലയം അറിയിച്ചിരുന്നു.