കോട്ടയം :മുണ്ടക്കയത്ത് വീട്ടിൽ അതിക്രമിച്ചു കയറി അമ്മയെയും മകനെയും ആക്രമിച്ച രണ്ടുപേരെ പോലീസ് അറസ്റ്റ് ചെയ്തു. പനക്കച്ചിറ മടുക്കാ ഭാഗത്ത് പുതുപ്പറമ്പിൽ വീട്ടിൽ കുഞ്ഞുമോൻ മകൻ ഷംസ് പി.കെ, (36), മടുക്ക കൊല്ലംപറമ്പിൽ വീട്ടിൽ പൊടിയൻ മകൻ ബിജു കെ.പി (43) എന്നിവരെയാണ് മുണ്ടക്കയം പോലീസ് അറസ്റ്റ് ചെയ്തത്.
ഇവർ ഇരുവരും ചേർന്ന് കഴിഞ്ഞമാസം 28- ആം തീയതി രാത്രിയോടെ മടുക്ക ഭാഗത്ത് താമസിക്കുന്ന ഗൃഹനാഥന്റെ വീട്ടിൽ അതിക്രമിച്ചു കയറി ഇയാളെയും, ഇയാളുടെ മാതാവിനെയും ഭീഷണിപ്പെടുത്തുകയും, ചീത്തവിളിക്കുകയും, മർദ്ദിക്കുകയുമായിരുന്നു.
ഗൃഹനാഥന്റെ വീട്ടുമുറ്റത്തെ ചെടിച്ചട്ടി ഇവർ ചവിട്ടി നശിപ്പിച്ചതിനെ ഗൃഹനാഥൻ ചോദ്യം ചെയ്തിരുന്നു. ഇതിലുള്ള വിരോധം മൂലമാണ് ഇവർ ഇരുവരും ചേർന്ന് രാത്രി ഗൃഹനാഥന്റെ വീട്ടിൽ അതിക്രമിച്ചു കയറി ഗൃഹനാഥനെയും മാതാവിനെയും ആക്രമിച്ചത്. പരാതിയെ തുടർന്ന് മുണ്ടക്കയം പോലീസ് കേസ് രജിസ്റ്റർ ചെയ്യുകയും ഇരുവരെയും പിടികൂടുകയുമായിരുന്നു.
മുണ്ടക്കയം സ്റ്റേഷൻ എസ്.എച്ച്.ഓ ഷൈൻ കുമാർ എ, എസ്.ഐ അനീഷ് പി.എസ്, എ.എസ്.ഐ മനോജ് കുമാർ,സി.പി.ഓ മാരായ ജോൺസൺ എ.ജെ, ശരത് ചന്ദ്രൻ എന്നിവർ ചേർന്നാണ് ഇവരെ അറസ്റ്റ് ചെയ്തത്. ഇരുവരെയും കോടതിയിൽ ഹാജരാക്കി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.