ദുബായിൽ സൈക്കിൾ ടണൽ തുറന്നു;ശല്യമില്ലാതെ ദുബായ് നഗരത്തിലൂടെ ഇനി സൈക്കിളുമായി ചീറിപ്പായാം

ദുബായ്: മൈദാൻ ഏരിയയിൽ സൈക്ലിസ്റ്റുകൾക്ക് വേണ്ടി മാത്രമായി റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (ആർടിഎ) പ്രത്യേക ഭൂഗർഭപാത തുറന്നു.

പ്രത്യേകം രൂപകൽപ്പന ചെയ്ത പുതിയ തുരങ്കം  ചൊവ്വാഴ്ച തുറന്നതിനാൽ ദുബായിലെ സൈക്ലിസ്റ്റുകൾക്ക് ഇപ്പോൾ കൂടുതൽ ട്രാക്കുകൾ ഉണ്ട്. മറ്റ് വാഹനങ്ങളുടെയൊന്നും ശല്യമില്ലാതെ ദുബായ് നഗരത്തിലൂടെ ഇനി സൈക്കിളുമായി ചീറിപ്പായാം. 

മൈദാൻ സൈക്ലിംഗ് ട്രാക്കിലൂടെ സ്വതന്ത്രവും തടസ്സമില്ലാത്തതുമായ ചലനം ഉറപ്പാക്കുന്ന സൈക്ലിംഗ് ടണലിന് 160 മീറ്റർ നീളവും 6.6 മീറ്റർ വീതിയും ഉണ്ട്, മണിക്കൂറിൽ ഏകദേശം 800 സൈക്കിളുകൾ ഉൾക്കൊള്ളാൻ ശേഷിയുണ്ട്.

#RTA has opened a new tunnel specifically designed for cyclists in Al Meydan area. The tunnel spans 160m in length and 6.6m in width, with a capacity to accommodate approximately 800 bicycles per hour. https://t.co/6pqh6VIL3f pic.twitter.com/uy0Ssvqday

— RTA (@rta_dubai) May 2, 2023

മണിക്കൂറിൽ 800 സൈക്കിളുകൾ ഉൾക്കൊള്ളാൻ കഴിയും. ടണലിന്റെ ഇന്റീരിയർ ഡിസൈൻ സൂര്യാസ്തമയ സമയത്ത് കുന്നുകളുടെ ഭൂപ്രകൃതിയെ പ്രതിഫലിപ്പിക്കുന്നു, സൈക്കിൾ യാത്രക്കാർക്ക് എല്ലായ്പ്പോഴും വ്യക്തമായ ദൃശ്യപരത ഉറപ്പാക്കാൻ പകലും രാത്രിയും വെളിച്ചം കൊണ്ട് സജ്ജീകരിച്ചിരിക്കുന്നു.