ആലപ്പുഴ: ജില്ലയിലെ സർക്കാർ – എയിഡഡ് സ്കൂൾ വിദ്യാർത്ഥികളെ കായിക പ്രവർത്തനത്തിൽ പങ്കാളിയാക്കുന്നതിനും മത്സരത്തിൽ പങ്കെടുക്കാൻ പ്രാപ്തരാക്കുവാൻ കഴിയുന്ന പരിശീലനത്തിന് മുൻഗണന നല്കുന്ന സമഗ്ര കായിക നയം നടപ്പിലാക്കുമെന്ന് ജില്ലാപഞ്ചായത്ത്.
ആദ്യഘട്ടത്തിൽ കായിക അധ്യാപകർ ഇല്ലാത്ത സ്കൂളുകളിൽ അധ്യാപകരെ നിയമിച്ചു , രണ്ടാം ഘട്ടത്തിൽ എല്ലാ സ്കുളുകളിലും കായിക ഉപകരണങ്ങൾ നല്കി, അടുത്ത ഘട്ടം പ്ലേ ഗ്രൗണ്ട് ഇല്ലാത്ത എല്ലാ സ്കൂളുകൾക്കും ഗ്രൗണ്ട് നല്കുന്നതിനായിരിക്കും പ്രഥമ പരിഗണന. കായികക്ഷമത വളർത്താൻ കഴിയുന്ന പ്രവർത്തനങ്ങൾ വിദ്യാലയങ്ങളിൽ നടപ്പിലാക്കും.
സമഗ്ര കായിക നയം രൂപീകരിക്കുന്നതിന്റെ ഭാഗമായി. ജില്ലയിലെ പ്രഥമ അധ്യാപകരുടെയും , സ്പോർട്ട്സ് അധ്യാപകരുടെയും യോഗം ജില്ലാ പഞ്ചായത്ത് ഹാളിൽ ചേർന്നു.
യോഗം ജില്ലാ പഞ്ചായത്ത് പ്രസിഡന്റ് കെ.ജി.രാജേശ്വരി ഉദ്ഘാടനം ചെയ്തു. ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ പ്രീയ ടീച്ചർ അധ്യക്ഷത വഹിച്ച യോഗത്തിൽ ജില്ലാ പഞ്ചായത്തഗം ആർ. റിയാസ്, സ്പോർട്സ് കൗൺസിൽ പ്രസിഡന്റ് പി.ജെ ജോസഫ്, ജില്ലാ വിദ്യാഭ്യാസ ഡെപ്യൂട്ടി ഡയറക്ടർ പി. സുജാത, ജില്ലാ സ്പോർട്സ് കൗൺസിൽ വൈസ് പ്രസിഡന്റ് വി. ജി വിഷ്ണു, ജില്ലാ പഞ്ചായത്ത് സെക്രട്ടറി ദേവദാസ്, സ്പോർട്സ് കൗൺസിൽ സെക്രട്ടറി പ്രദീപ് കുമാർ എന്നിവർ പങ്കെടുത്തു
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.