കോഴിക്കോട്: കൂരാച്ചുണ്ടിൽ കെട്ടിടത്തിന് മുകളിൽ നിന്ന് താഴേയ്ക്ക് ചാടി ആത്മഹത്യയ്ക്ക് ശ്രമിച്ച റഷ്യന് യുവതി നേരിട്ടത് ക്രൂരപീഡനമെന്ന് മൊഴി. പ്രതി ആഖില് യുവതിയെ ലൈംഗികമായും ശാരീരികമായും ക്രൂരമായി ഉപദ്രവിച്ചതായി റിപ്പോർട്ട്. ആഖില് ഇരുമ്പ് വടി ഉപയോഗിച്ച് അടിക്കാറുണ്ടെന്നും തന്റെ ഫോണും പാസ്പോര്ട്ടും നശിപ്പിച്ചുവെന്നും യുവതി പോലീസിനോട് പറഞ്ഞു. റഷ്യയിലേക്ക് മടങ്ങിപ്പോകുന്നത് തടയാന് തടങ്കലിലാക്കിയെന്നും യുവതി പൊലീസിന് മൊഴി നല്കി.
ഇരുമ്പ് കമ്പി കൊണ്ടുള്ള നിരന്തര മര്ദനത്തെത്തുടര്ന്ന് തന്റെ കൈമുട്ടിനും കാല്മുട്ടിനും പരുക്കേറ്റതായി യുവതി പൊലീസിനെ അറിയിച്ചു. ആഖില് ലഹരിയ്ക്ക് അടിമയാണ്. പാസ്പോര്ട്ട് തന്റെ കണ്മുന്നില് വച്ച് വലിച്ചുകീറി കളഞ്ഞെന്നും റഷ്യന് യുവതി പൊലീസിനോട് വെളിപ്പെടുത്തി. താത്കാലിക പാസ്പോര്ട്ട് അനുവദിച്ച് യുവതിയെ നാട്ടിലേക്ക് മടക്കി അടയ്ക്കാനുള്ള നീക്കങ്ങള് അധികൃതര് നടത്തി വരികയാണ്. റഷ്യന് യുവതിയും ആണ്സുഹൃത്തും കൂരാച്ചുണ്ടില് കുറച്ചുകാലമായി ഒരുമിച്ച് താമസിച്ച് വരികയായിരുന്നു. ഇതിനിടെയാണ് യുവതി ആത്മഹത്യയ്ക്ക് ശ്രമിച്ചത്.
ആഖിലിനെ ഇന്നലെ പൊലീസ് അറസ്റ്റ് ചെയ്തിരുന്നു. അറസ്റ്റ് ചെയ്യുന്ന ഘട്ടത്തില് ഇയാളിലും നിന്നും കഞ്ചാവ് ഉള്പ്പെടെയുള്ള ലഹരി വസ്തുക്കളും പൊലീസ് പിടിച്ചെടുത്തിരുന്നു. യുവതി നല്കിയ മൊഴിയുടെ അടിസ്ഥാനത്തിലാണ് ഇന്നലെ ആഖിലിനെ പൊലീസ് അറസ്റ്റ് ചെയ്തത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.