പൊലീസുകാരനെ ജീവനൊടുക്കിയ‌ നിലയിൽ കണ്ടെത്തി.

 പാലക്കാട്: പൊലീസുകാരനെ ജീവനൊടുക്കിയ‌ നിലയിൽ കണ്ടെത്തി. ശ്രീകൃഷ്ണപുരം സ്റ്റേഷനിലെ സിവില്‍ പൊലീസ് ഓഫീസര്‍ സുമേഷ്(40) ആണ് മരിച്ചത്

ധോണി എസ് നഗറിലെ സുമേഷിന്‍റെ ഉടമസ്ഥതയിലിലുള്ള അരിമണി എസ്‌റ്റേറ്റ് ഷെഡിലാണ് മൃതദേഹം കണ്ടെത്തിയത്. ഇയാള്‍ വിഷാദരോഗിയായിരുന്നെന്നാണ് സഹപ്രവർത്തകർ പറയുന്നത്. കഴിഞ്ഞ 17 മുതല്‍ ഇയാൾ ലീവിലായിരുന്നെന്നും സഹപ്രവര്‍ത്തകര്‍ പറഞ്ഞു.

മൃതദേഹം പൊലീസ് നടപടികൾക്ക് ശേഷം പോസ്റ്റ്മോർട്ടത്തിനായി ആശുപത്രി മോർച്ചറിയിലേക്ക് മാറ്റി. മുണ്ടൂര്‍ സ്വദേശിയായ സുമേഷ് വിവാഹിതനാണ്. ഒരു മകളുണ്ട്.