കോട്ടയം: ചങ്ങനാശ്ശേരിക്ക് സമീപം തുരുത്തിയില് ലോറിയിൽ കയറ്റി കൊണ്ടുപോവുകയായിരുന്ന ആന ഇടഞ്ഞു. വാഴപ്പള്ളി മഹാദേവന് എന്നാ ആനയാണ് ഇടഞ്ഞത്. ബുധനാഴ്ച രാത്രി 10 മണിയോടെയാണ് സംഭവം ചങ്ങനാശേരി തുരുത്തി ഈശാനത്തുകാവ് ക്ഷേത്രത്തിനു സമീപത്താണ് ആനയുടെ പരാക്രമം ഉണ്ടായത് ആന ഇടഞ്ഞതോടെ മണിക്കൂറുകളായി എം സി റോഡില് തുരുത്തി ഭാഗത്ത് ഗതാഗതം സ്തംഭിച്ചിരുന്നു. തുരുത്തിയിലെ ക്ഷേത്രത്തിനു സമീപത്തെ സ്വകാര്യ പുരയിടത്തില് കെട്ടാന് എത്തിക്കുന്നതിനിടെയാണ് ആന ഇടഞ്ഞത്.
വാഹനത്തില്നിന്ന് ഇറങ്ങാന് കൂട്ടാക്കാതിരുന്ന ആന ലോറിയുടെ കൈവരികള് കുത്തിമറിച്ച ശേഷം ലോറിയും കുത്തി തകര്ത്തു. തുമ്ബികൈ കൊണ്ട് സമീപത്തെ വൈദ്യുതി ലൈന് വലിച്ചു പൊട്ടിച്ചതോടെ പ്രദേശം പൂര്ണമായി ഇരുട്ടിലായി. ഇടഞ്ഞതിനാല് ആനയുടെ സമീപത്തേക്ക് പാപ്പാന്മാര്ക്ക് പോകുന്നതിനും പ്രയാസം നേരിട്ടു. രാത്രി ഏറെ വൈകി വെറ്റിനറി വിഭാഗം അധികൃതര് എത്തി മയക്കു വെടിവെക്കുകയായിരുന്നു. ആന ഇടഞ്ഞതിനെ തുടര്ന്ന് എംസി റോഡില് വന് ഗതാഗതക്കുരുക്കുണ്ടായി. പൊലീസും ഫയര്ഫോഴ്സും സ്ഥലത്തെത്തി. ഇട റോഡുകള് വഴി വാഹനം തിരിച്ചുവിട്ടു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.